Segundo a participación do alumnado na materia, a avaliación contempla dúas opcións:

Opción A

Para o alumnado que asiste/participa nas actividades de clase, a avaliación considera 3 partes: a) Traballos tutelados, b) Probas prácticas e c) Proba obxectiva. Entenderase que o alumno opta pola opción A, ao asistir ás titorías ou ao facer algunhas das prácticas ou traballos propostos na clase.

Primeira oportunidade

A cualificación final da materia obterase da ponderación das 3 partes xa mentadas: traballos tutelados (40%), probas prácticas (30%), proba obxectiva (30%).

Aquelas partes que, unha vez ponderadas, teñan unha cualificación inferior a 4 puntos deberán ser repetidas na segunda oportunidade, independentemente da media obtida (de darse esta situación, e se a media é superior a 5, a cualificación final constará como 4,5).

Terán a cualificación de Non presentado os alumnos que non fagan os traballos tutelados e ningunha das probas (prácticas ou obxectiva).

Segunda oportunidade

O alumno/a quedará liberado das partes xa superadas na primeira oportunidade, tan só terá que repetir as partes indicadas polo profesor no seu momento.

No caso de ter que repetir as probas prácticas, farase un único exame dos contidos prácticos da materia (Word, edición de imaxe e vídeo) 

Terán a cualificación de Non presentado os alumnos/as que non fagan ningunha das partes pendentes.

Opción B

Alumnado con recoñecemento de dedicación a tempo parcial e dispensa académica de exención de asistencia, segundo establece a "NORMA QUE REGULA Ou RÉXIME DE DEDICACIÓN AO ESTUDO DÚAS ESTUDANTES DE GRAO NA UDC (Arts. 2.3; 3. b e 4.5) (29/5/212): un exame escrito sobre os contidos da materia (100%). O alumnado con recoñecemento de dedicación a tempo parcial e dispensa académica de exención de asistencia poderá tamén optar á opción A. Só Grao presencial.

Copia y/o plaxio:

"A realización fraudulenta das probas ou actividades de avaliación, unha vez comprobada, implicará directamente a cualificación de suspenso "0" na materia na convocatoria correspondente, invalidando así calquera cualificación obtida en todas as actividades de avaliación de cara a convocatoria extraordinaria".

Artigo 14 das Normas
de avaliación, revisión e reclamación das cualificacións dos
estudos de grado e mestrado da UDC.

Atención á diversidade:

"A materia
poderá ser adaptada ao estudantado que precise da adopción de medidas
encamiñadas ao apoio á diversidade (física, visual, auditiva, cognitiva,
de aprendizaxe ou relacionada coa saúde mental). De ser o caso, deberán
contactar cos servizos disponíbeis na UDC/no
Centro: nos prazos oficiais estipulados de maneira previa a cada cuatrimestre académico, coa Unidade de Atención á Diversidade (https://www.udc.es/cufie/ADI/apoioalumnado/);
no seu defecto, coa tutora ADI da Facultade de Turismo".