OBRIGAS DO ESTUDANTE EN PRÁCTICAS - Entregar en tempo e forma todos os documentos solicitados dende a titoría para a tramitación das súas prácticas: solicitude,curriculum vitae, etc.- Estar pendente e responder ás comunicacións que reciba ao seu nome dende a titoría de prácticas, ben sexa vía telefónica ou correo electrónico. Concertar coa titoría intera, polo menos un contacto (persoal, telefónico ou correo electrónico) ao mes, na devandita reunión deberá entregar un "INFORME DE AVALIACIÓN MENSUAL DE PRÁCTICAS POLO ALUMNO" no que informará sobre as actividades realizadas, cumprimento de funcións, incidencias etc- Comunicar á Titoría de Prácticas calquera proposta de modificación das condicións de estanza na empresa inicialmente acordadas, así como calquera incidencia relevantes (enfermidade, faltas de asistencia...)- Entregar a Memoria de Prácticas elaborada de acordo cos criterios que se establecen máis adiante, na data asignada. - Cumprir integramente e nas condicións acordadas o período de prácticas establecido, principalmente no que se refire a datas e horarios.- Cumprir estritamente a normativa da empresa en canto a comportamento, vestimenta, uniformidade, calzado, aparencia física e uso de instalacións.- Comunicar ao Titor de Empresa calquera proposta de modificación das condicións de estanza así como calquera incidencia relevantes (enfermidade, faltas de asistencia...).- Seguir, durante todo o período de prácticas, as indicacións tanto do seu titor interno como externo.- O alumno debe saber que a empresa pode anular o convenio de prácticas e prescindir da colaboración se este non cumpre coas súas obrigas ou a súa actitude, comportamento ou aparencia non son os axeitados.3.- RECOMENDACIÓNS ACTITUDE: manter en todo momento unha actitude de interese, motivación, ganas de aprender e receptividade ante todo de funcións.- APARENCIA PERSOAL: O turismo supón contacto co público, polo que a presenza do alumno debe ser o máis coidada posible. O aseo e o aspecto persoal deben ser impecables.- NORMAS BÁSICAS DE CORTESÍA: non se debe esquecer que o alumno está a representar á empresa, o alumno debe ser cortés e amable cos clientes e cos compañeiros de traballo. Salvo que se lle indique o contrario, deberá tratar os mandos superiores e clientes sempre de vostede.- A responsabilidade, profesionalidade e seriedade do alumno na realización das prácticas externas é fundamental para el mesmo e para os futuros alumnos da Escola Universitaria de Turismo que nalgún momento poidan realizar prácticas nese mesmo centro. 4.- FALTAS GRAVES Os seguintes feitos terán consideración de faltas moi graves: Ausencia inxustificada ou atrasos frecuentes durante o período de prácticas. Rendemento baixo ou actitude negativa no desempeño das funcións encomendadas, segundo o criterio do titor externo. Creación de problemas ou conflitos ou calquera outro feito que dea lugar á interrupción das prácticas por parte da empresa. Ante calquera feito destas características a materia será cualificada como SUSPENSO