Para aprobar a materia é preciso obter:

• Un mínimo de 2,5 puntos (sobre 5) en cada unha das dúas iteracións da práctica.
• Un mínimo 4 puntos (sobre 10) no exame tipo test.
• Un mínimo de 5 puntos (sobre 10) na nota final, que se calcula coma: 
• Nota práctica = nota iteración 1 + nota iteración 2.
• Nota final = 0,50 * nota práctica + 0,30 * nota exame + 0,20 * nota traballo tutelado.

Para as/os estudantes con matrícula a tempo parcial, tanto na primeira oportunidade coma na segunda, o tamaño da práctica será menor, sen que iso supoña un prexuízo na nota da práctica.

A realización fraudulenta das probas ou actividades de avaliación, unha vez comprobada, implicará directamente a cualificación de suspenso na convocatoria en que se cometa: o/a estudante será cualificado con “suspenso” (nota numérica 0) na convocatoria correspondente do curso académico, tanto se a comisión da falta se produce na primeira oportunidade como na segunda. Para isto, procederase a modificar a súa cualificación na acta de primeira oportunidade, se fose necesario.