Será obrigatorio para todo o alumnado a entrega dunha ficha con foto actualizada cos datos de cada alumno/a á profesora, en formato papel, para axilizar os procedementos formativos a través das atencións persoalizadas que sexan oportunas realizar.

A asignatura ten dous métodos principais de avaliación: avaliación continua e avaliación non continua. A súa vez, a avaliación continua divídese en dúas modalidades: continua e continua parcial.

1ª) Avaliación continua: Por ser a máis completa, é a que está desenvolvida a través dos apartados da guía docente. Somentes poderán optar a ela aquel alumnado que teñan obtido máis de 3 puntos (sobre 5 puntos) a través das prácticas obrigatorias da modalidade de avaliación continua parcial e escollan seguir cursando a asignatura a través de prácticas ApS (Apredizaxe Servizo) ou Intervención Sociolóxica. Esta segunda parte tamén será avaliada sobre 5 puntos e se desenvolverá a través de diferentes exercicios prácticos guiados pola profesora dacordo co alumnado que escolla eta modalidade de avaliación. Tamén é requisito imprescindible a concurrencia á totalidade das sesións de traballo, ben sexa fóra ou dentro da aula para acadar os obxectivos de ensinanza-aprendizaxe colectivos con un bo aproveitamento a través da responsabilidade persoal e social. Estas prácticas serán tamén entregadas ao igual que as obrigatorias, en cartafol colectivo, debidamente ordeado e cumprimentado, así como en formato dixital. Tamén terán que ser expostas oralmente, ordeada e razoadamente en grupo.

2ª) Avaliación continua parcial: O alumnado deberá realizar as recensións -grupalmente, co grupo asignado- e realizar os traballos prácticos obrigatorios indicados pola profesora, tamén de xeito grupal. É decir, é a parte práctica obrigatoria da asignatura que será avaliada sobre 5 puntos e que deberá estar aprobada para poder promediar coa nota acadada na proba de examen de tipo mixto que tamén estará avaliada sobre 5 puntos e que tamén deberá esta aprobada para poder promediar coa parte de prácticas obrigatorias aprobadas. Estas prácticas obrigatorias deberán entregarse a través dun cartafol colectivo, debidamente ordenado e cumprimentado, así como en formato dixital. Ademáis terán que ser expostas, ordenada e razoadamente en grupo. A asistencia a todas as sesións de aula, de traballo de campo e de reunión co grupo de traballo é requisito imprescindible. A proba de examen realizarase individualmente nas datas acordadas polo calendario académico da Facultade.

3ª) Avaliación non continua (sobre 7,5 puntos máximo): O alumnado deberá realizar as recensións -individualmente- das lecturas indicadas pola profesora (deberá asistir a algunha titoría para asesorarse, dende ó inicio de curso) e realizar unha proba de examen de preguntas tipo tema que tamén pode incluir algún comentrio de texto. As recensións serán valoradas sobre 2,5 puntos e a proba de examen sobre 5 puntos. Tamén será imprescindible entregarlle á profesora, ao inicio do curso da asignatura, unha ficha de alumno/a con foto actualizada e datos de contacto que faciliten unha atención persoalizada.

O alumno ou a alumna deberá acollerse a algunha destas metodoloxías de traballo da asignatura dende o inicio de curso ata o final. A segunda convocatoria rexerase polos mesmos criterios que a primeira, sendo inviable para esta última a modalidade de avaliación continua. Na nota final terase en conta a asistencia, o comportamento e a participación do alumnado nas diferentes actividades da asignatura, de xeito moi especial, todas aquelas que conleven a responsabilidade de acadar obxectivos grupais, para o ben común que formará parte da avaliación final de cada alumno/a.

• Os criterios e a planificación desta guía docente son de carácter orientativo, considerando a heteroxeneidade do alumnado e segundo o criterio da profesora poderán ser obxecto dalgunha adaptación para superar a casuística específica e debidamente xustificada do alumnado. Todo isto deberá ser debidamente informamdo e xustificado á profesora no horario de titorías fixado para ser tratadas as excepcións á norma e explorar e poder entón decidir as posibles adaptacións ou non das casuísticas irregulais