Todas as actividades, tarefas e traballos a realizar
ao longo do cuadrimestre contabilizan para a nota final.  

As prácticas do obradoiro e o traballo de
investigación  realizaranse ao longo do cuadrimestre e a proba obxectiva
(exame) na data oficial de primeira convocatoria.  

Tanto as prácticas como o traballo de investigación tutelado serán entregados
nas datas marcadas polas profesoras, non se corrixirá ningunha práctica fóra de
prazo.  

O traballo tutelado só corrixirase unha vez tras a data de entrega (non haberá
segunda corrección), o/a alumno/a xa conta coas instrucións  e a guía das
profesoras nas sesións interactivas e nas titorías 

Para aprobar a materia é necesario aprobar tanto os traballos tutelados e
prácticas (60%) como o exame (40%).  

A nota mínima para superar cada unha das partes é un 5 (aprobado) 

Gardarase a nota da parte superada para a segunda oportunidade.  

No caso de non superar unha das partes na primeira convocatoria,  constará
a cualificación da parte suspensa. 

Para superar a parte práctica na segunda oportunidade deberán entregarse as
actividades e/ou traballo de investigación suspensos ou non presentados. A data
e horas límite de entrega serán as mesmas que as do exame oficial de segunda
oportunidade. 

Para superar a parte teórica en segunda oportunidade deberá realizarse a proba
obxectiva, nas datas oficiais. 

Aqueles/as alumnos/as con dispensa ou  recoñecemento de dedicación a tempo
parcial deberán contactar coa profesora responsable da materia ao comezo de
curso.  A parte práctica será avaliada por medio dun traballo de
investigación individual (diferente ao do alumnado presencial), que suporá o
60% da nota. As instrucións para a súa realización estarán a disposición na
Aula Virtual da Materia. A avaliación da parte teórica será nas mesmas
condicións que o alumnado presencial.   

As condicións de avaliación para o alumnado de  oportunidade adiantada,
serán as establecidas para o alumnado non presencial: A parte práctica será
avaliada por medio dun traballo de investigación individual (diferente ao do
alumnado presencial), que suporá o 60% da nota, e a avaliación da parte teórica
coa realización da proba obxectiva. 

O sistema de avaliación para o alumnado
dos programas de intercambio será o mesmo que para o resto dos e das
estudantes.

Os materiais utilizados nas sesións:
presentacións, audiovisuais, lecturas e prácticas tamén serán postos a
disposición do/a alumno/a en formato dixital a través da plataforma
Moodle. 

Os traballos e prácticas entregaranse en
formato dixital a través da ferramenta habilitada na Aula Virtual, sen
necesidade de imprimilos.  

Tanto nos contidos como no sistema de
avaliación atenderanse ás recomendacións de axustes razoables propostas pola
Unidade de Atención á Diversidade (ADI) no caso do alumnado con diversidade
funcional ou NEAE, proporcionadas pola Coordinación do PAT do centro.