Atendendo á escala prevista no Anexo VI, partirase
da cualificación que concentre a maioría das puntuacións obtidas. Os tramos de
cualificacións son os seguintes:

-Cualificación de Excelente: 10 puntos.

-Cualificación de Moi ben: normalmente
entre 8-9 puntos. 

-Cualificación de Ben: normalmente entre
7-8 puntos. 

-Cualificación de Regular: normalmente
entre 5-6 puntos.  

Naqueles apartados cuxa cualificación sexa
menor á maioritaria, restarase 0,1 puntos á nota de partida; naqueles nos que a
cualificación sexa maior, sumarase 0,2 puntos.

A realización da Memoria de prácticas ten
que seguir ao detalle o modelo de memoria presentado no Anexo IX do
“Procedemento de xestión das prácticas do Grao en Socioloxía da Universidade da
Coruña”. A avaliación da Memoria ten como baremo de puntuación o seguinte:

-Apartado 1: Descrición concreta e
detallada das tarefas desenvolvidas (máximo de 2 puntos).

-Apartado 2: Valoración das tarefas
desenvolvidas e os coñecementos e competencias adquiridas en relación cos
estudos universitarios recibidos (máximo de 2 puntos).  

-Apartado 3: Relación dos  problemas
encontrados e do procedemento seguido para resolvelos (máximo de 1,5 puntos).  

-Apartado 4: Identificación das melloras
que, en materia de aprendizaxe, supuxo a estadía de prácticas (máximo de 2
puntos). 

-Apartado 5: Avaliación final das
prácticas e propostas (máximo de 1,5 puntos). 

-Asistencia á Xornada de formación inicial e de encontro con empregadores, na que se explica, entre outras cuestións, como abordar a Memoria de prácticas (1,0 puntos). 

É obrigatorio contar co correspondente
Informe do/a titor/a profesional (50% da cualificación) así como facer entrega
da Memoria de prácticas (50% da cualificación) para poder superar o
"Prácticum". A cualificación final, polo tanto e nunha escala do 0 ao
10, equivalerá á media aritmética calculada a partir das cualificacións obtidas
no Informe do/a titor/a profesional e Memoria de prácticas.