Para aprobar a materia é imprescindible entregar todos os traballos
tutelados e acadar unha nota mínima de 4 puntos sobre un máximo de 10
puntos tanto nos traballos tutelados como nas prácticas de laboratorio e
na proba obxectiva.

Os criterios de avaliación da segunda oportunidade serán os mesmos que os da primeira.

A realización fraudulenta das probas ou actividades de avaliación
implicará directamente a cualificación de suspenso '0' na materia na
convocatoria correspondente, invalidando así calquera cualificación
obtida en todas as actividades de avaliación de cara á convocatoria
extraordinaria.

De acordo coa normativa da UDC en relación ao
estudantado matriculado a tempo parcial, o réxime de asistencia a clase
non afectará negativamente ao proceso de avaliación, admitíndose nesta
materia a dispensa académica para a asistencia solicitada polas canles
institucionais habilitadas ao efecto. Porén, esta flexibilidade
asistencial non eximirá da entrega de traballos tutelados e prácticas
nos mesmos prazos fixados para o estudantado a tempo completo.