Os criterios de avaliación descritos servirán para a primeira oportunidade. A participación nos casos prácticos (avaliación continua) nunha porcentaxe inferior ao 20% implica unha avaliación de non presentado, independentemente da puntuación acadada.

Na segunda oportunidade farase un exame sobre un caso práctico. A nota final do alumnado que superase a avaliación continua será a media desa nota e a do exame. Para os que non superaron a avaliación continua, a nota do exame teórico-práctico será o 100% da nota.

Para o alumnado con recoñecemento de dedicación a tempo parcial e con renuncia académica á exención de asistencia, os criterios de avaliación serán os mesmos, salvo o requisito mínimo de asistencia.

Na convocatoria anticipada de decembro, os criterios de avaliación serán os mesmos que na segunda oportunidade.

O comportamento fraudulento en calquera dos apartados obxecto de avaliación dará lugar a unha puntuación de cero puntos na avaliación final. Queda expresamente prohibido o acceso durante as probas presenciais a teléfonos móbiles e calquera outro dispositivo de comunicación e/ou almacenamento de información a distancia. O incumprimento desta norma supón un cero na avaliación final. O alumno deberá acreditar a súa identidade de acordo coa normativa vixente.

O alumno deberá acreditar a súa personalidade de acordo coa normativa vixente. Para calquera outra cuestión non expresamente detallada nesta guía, remitirase ao disposto na normativa vixente aplicable a cada caso que se presente.