A)   NORMATIVA DE AVALIACIÓN:

1.    Condicións de avaliación: Está prohibido acceder á aula do exame con calquera dispositivo que permita a comunicación co exterior e/ou almacenamento de información.

2.    Identificación: O alumnado ha de acreditar a súa personalidade de acordo coa normativa vixente.

B)   TIPOS DE CUALIFICACIÓN:

 1.    Cualificación de non presentado: Cando só participe en actividades de avaliación que teñan unha ponderación inferior ao 20% sobre a cualificación final, con independencia da cualificación alcanzada.

 2.    Recoñecemento de dedicación a tempo parcial e dispensa académica de exención de asistencia: O estudantado con recoñecemento de dedicación a tempo parcial será avaliado cos mesmos criterios que o alumnado a tempo completo.

C)   OPORTUNIDADES DE AVALIACIÓN:

A materia estrutúrase en tres partes. Para aprobar a materia o alumnado ten que aprobar a
parte da materia que imparte cada docente. Para adecuar a avaliación as tres
partes que a integran, poderase cambiar a data oficial do exame

Para aprobar a materia é requisito necesario a asistencia a un 80% das sesións de clase, con aproveitamento e participación activa.

1.    Primeira oportunidade: aplicaranse os criterios de avaliación pertinentes indicados anteriormente nesta sección.

2.    Segunda oportunidade: constará unicamente dunha proba mixta correspondente á materia pendente da asignatura non superada na primeira oportunidade da convocatoria.

3.    Convocatoria adiantada: Será avaliada por medio dunha proba mixta que suporá o 100 % da cualificación final,  que comprenda todos os contidos e competencias da materia.