Esta materia ten como principal fin que o estudante adquira as competencias necesarias para detectar cando e como aplicar as técnicas econométricas necesarias para o estudo de situacións e casos con datos reais no eido da economía. O obxectivo reside, por tanto, en que o estudante sexa capaz de extraer a información relevante das variables económicas e as súas interrelacións a través de diferentes tipos de análises e ferramentas, o cal lle permitirá comprender patróns de comportamento e efectuar as pertinentes valoracións. Asimesmo, preténdese que o estudante sexa crítico na avaliación do contexto económico e dos traballos que neste contexto deba avaliar.
Plan de continxencia
*** PLAN DE CONTINXENCIA NO CASO DUN ESCENARIO DE NON PRESENCIALIDADE (BLOQUE IMPARTIDO NA UDC) ***
1. MODIFICACIÓNS NOS CONTIDOS
En principio non se prevé a realización de cambios.
2. METODOLOXÍAS
*Metodoloxías docentes que se manteñen
Prácticas a través de TIC
Sesión maxistral
Obradoiro
Análise de fontes documentais (computa na avaliación)
Aprendizaxe colaborativa: consta de dúas partes, o envío do traballo grupal e a exposición oral. O primeiro realizarase a través da pertinente plataforma virtual (computa na avaliación).
*Metodoloxías docentes que se modifican
Aprendizaxe colaborativa: consta de dúas partes, o envío do traballo grupal e a exposición oral. A segunda realizarase a través da pertinente plataforma virtual (computa na avaliación).
Proba obxectiva (realizarase a través da pertinente plataforma virtual; computa na avaliación)
3. MECANISMOS DE ATENCIÓN PERSONALIZADA AO ALUMNADO
- Correo electrónico. Temporalidade: diaria. Descrición: atención ao alumnado sobre diversas cuestións relativas á materia.
- Campus Virtual (UDC)/MooVi (UVigo). Temporalidade: a petición do estudante. Descrición: uso de foros, chats e outras canles de comunicación co alumnado sobre cuestións de diversa índole en relación coa materia (dúbidas puntuais, aclaracións, titorías, outras comunicacións, etc.).
- MS Teams. Temporalidade: a petición do estudante. Descrición: uso das ferramentas de comunicación co alumnado sobre cuestións de diversa índole en relación coa materia (dúbidas puntuais, aclaracións, titorías, outras comunicacións, etc.).
Seguindo as recomendacións efectuadas desde o Decanato da Facultade de Economía e Empresa da UDC, as titorías individuais/grupais realizaranse preferentemente de xeito virtual/non presencial.
4. MODIFICACIÓNS NA AVALIACIÓN
*Observacións de avaliación: non se verá afectada, salvo que as diferentes actividades contempladas serán levadas a cabo por vía telemática (no envío do traballo en grupo e a análise de fontes documentais emprégase, por defecto, esta modalidade).
5. MODIFICACIÓNS DA BIBLIOGRAFÍA OU WEBGRAFÍA
Na medida en que sexa posible, facilitarase o acceso en aberto á bibliografía sinalada nesta guía docente. En caso negativo, proporcionaranse documentos dixitalizados que sirvan de apoio ao estudante (se ben na plataforma virtual empregada contarán con todos os apuntamentos e recursos adicionais necesarios para un normal desenvolvemento da materia).
(*)A Guía docente é o documento onde se visualiza a proposta académica
da UDC. Este documento é público e non se pode modificar, salvo casos excepcionais baixo a revisión do
órgano competente dacordo coa normativa vixente que establece o proceso de elaboración de guías
Asignaturas
