Para superar a materia é preciso aprobar cada unha das tres partes de que consta a avaliación (isto é, acadar, polo menos, o 50% da puntuación máxima de cada proba). De non acadar esta puntuación mínima nalgunha das probas, a cualificación que aparecerá nas actas será, como máximo, un 4.0.

O profesorado poderá solicitar a defensa de calquera das tres probas/traballos.

Alumnos con dedicación a tempo parcial e dispensa académica de exención de asistencia: as normas para a avaliación do traballo e da proba mixta serán as mesmas que para o caso xeral. Para a avaliación das prácticas a través das TIC e a petición da/o alumna/o, establecerase un calendario específico de datas compatible coa súa dedicación.

Oportunidade adiantada: o alumnado será avaliado en todos os casos das tres partes a través dunha proba mixta que lle permitirá acadar o 100% da puntuación. 

Cualificación de non presentado: Corresponde ao alumnado, cando só participe de actividades de avaliación que teñan unha ponderación inferior ao 20% sobre a cualificación final, con independencia da cualificación acadada. 

Sobre condicións de avaliación final: está prohibido acceder á aula do exame con calquera dispositivo que permita a comunicación co exterior e/ou o almacenamento de información.

Identificación de estudantes: Cada estudante debe de acreditar a súa identidade dacordo coa normativa vixente.