A) Cualificacións primeira — xaneiro— e segunda oportunidade — xullo—:

 As actas incluirán a máis alta das seguintes cualificacións: 

A.1 Suma das puntuacións obtidas na avaliación continua - máximo 6 puntos - e na proba obxectiva - máximo 4 puntos -

A.2 Cualificación obtida na proba obxectiva puntuada sobre 10. 

En calquera caso, para aprobar a materia o/a alumno/a deberá obter polo menos 5 puntos dun total de 10. 

B) Oportunidade adiantada: haberá unha única proba á que se asignará o 100% do peso da nota e que se baseará no programa completo descrito na sección "Contidos" da guía deste curso académico. Para aprobar a materia débense obter polo menos 5 puntos (dun total de 10). 

C) O sistema de avaliación aplicarase como se describe a todos/as os/as estudantes independentemente da súa situación académica. Quen teña recoñecemento de dedicación parcial está exento de asistencia agás nas datas das probas. 

D) Ningunha proba de avaliación pode substituírse por exercicios ou outras tarefas. 

E) A nota de non presentada corresponde só aos/as alumnos/as que participan en actividades de avaliación cunha ponderación inferior ao 20% do total. 

F) Como é obrigatorio, as probas rexeranse pola normativa de avaliación, revisión e reclamación das cualificacións dos estudos universitarios de grao e máster (https://www.udc.es/export/sites/udc/normativa/ _galeria_down /academica/Normas_avaliacion_revision_reclamacion_consolidado_l.pdf_2063069239.pdf). Recoméndase prestar especial atención aos artigos 10 (Identificación de dous estudantes) e 14 (Comisión de fraude e responsabilidades disciplinarias).