A) NORMATIVA DE AVALIACIÓN:

1. Condicións de avaliación: Está prohibido acceder á aula do exame con calquera dispositivo que permita a comunicación co exterior e/ou o almacenamento de información. Canto á comisión de fraude e responsabilidades disciplinarias, aplicarase o disposto no artigo 14 das "Normas de avaliación, revisión e reclamación das cualificacións dos estudos de grao e máster universitario" da UDC.

2. Identificación do alumnado: O alumnado ha de acreditar a súa personalidade de acordo con a normativa vixente.

B) TIPOS DE CUALIFICACIÓN:

1. Cualificación de non presentado: Corresponde ao alumnado, cando só participe en actividades de avaliación que teñan unha ponderación inferior ao 20% sobre a cualificación final, con independencia da cualificación alcanzada.

2. Alumnado con recoñecemento de dedicación a tempo parcial e dispensa académica de exención de asistencia: Excepto para o exame final, para as restantes actividades acordarase ao comezo do cuadrimestre un calendario específico de datas compatible coa súa dedicación. Por este motivo, este alumnado deberá poñerse en contacto co profesorado da materia no primeiros dez días do cuadrimestre en que esta se imparte. As actividades terán o mesmo formato que para o alumnado con dedicación a tempo completo.

C) OPORTUNIDADES DE AVALIACIÓN:

1. Primeira oportunidade: Aplicaranse os criterios de avaliación anteriormente indicados nesta sección.

2. Segunda oportunidade: Os criterios de avaliación son os mesmos que na primeira oportunidade.

3. Oportunidade adiantada: Será avaliada por medio dunha proba mixta que suporá o 100 % da cualificación final.

D) OUTRAS OBSERVACIÓNS DE AVALIACIÓN:

1. Con carácter xeral, sen prexuízo do indicado para o alumnado con recoñecemento de dedicación a tempo parcial e dispensa académica de exención de asistencia, requírese a asistencia a clase para optar á parte da cualificación correspondente á avaliación continua, tanto en primeira oportunidade como en segunda oportunidade. Finalizado o período de avaliación correspondente á primeira oportunidade, ao alumnado que teña pendente a superación da materia poderánselle propor actividades que permitan recuperar a parte da cualificación correspondente á avaliación continua de cara a a segunda oportunidade, o que deberá solicitar ao profesorado da materia cunha antelación mínima de dez días respecto da data do exame de segunda oportunidade.

2. Os criterios de puntuación de cada unha das probas daranse a coñecer no momento da proba e forneceranse co enunciado da mesma.