- A asistencia é obrigatoria. Para optar á avaliación final é necesario cumprir un mínimo do 70% de asistencia nas sesións prácticas e un mínimo do 70% de asistencia nas sesións teóricas. Para os alumnos con matrícula a tempo parcial será permitido non cumprir a asistencia mínima nas sesións teóricas, pero non nas prácticas.

- Todos os apartados da avaliación deben ser aprobados para que poidan terse en conta na cualificación final. O resultado da cualificación final será a suma de cada apartado na súa porcentaxe correspondente.

- Os apartados da avaliación que fosen aprobados non será necesario repetilos na oportunidades seguinte (xullo), nin en convocatorias de seguintes cursos, sempre que se manteñan os mesmos criterios de avaliación. En caso dalgún cambio aplicarase a Guía Docente do curso en vigor.

- A redacción do texto da proba obxectiva será en castelán. Se algún
alumno desexa obtela en galego, deberá solicitalo cunha semana de
antelación a data oficial da proba.

- Todos os traballos e tarefas encomendadas deben ser presentados correctamente redactados e sen faltas de ortografía para poder ser avaliados.

- Todos os traballos e tarefas encomendadas deben respectar os seguintes aspectos formais: paxinación, tamaño de fonte 12, interlineado sinxelo e xustificación do texto.

- O traballo tutelado entregarase escrito a man, utilizando o papel por ambas as dúas caras, e aterse á estrutura seguinte: portada con título do traballo e autores, índice, introdución, obxectivos do traballo, desenvolvemento do traballo, conclusións e bibliografía. A ausencia ou incorrección de calquera destes apartados ocasiona o suspenso do traballo.