1. Requisitos indispensables para aprobar a materia, serán, pola seguinte orde:
1.a. Asistencia polo menos ao 70% das sesións para todos aqueles alumnos matriculados na materia por primeira vez ou no caso de segunda matrícula ou posterior se non se completou con anterioridade a porcentaxe indicada. No caso de que un alumno, presente razóns xustificadas documentalmente que lle impidan a asistencia ao 70% das clases deberá realizar un exame sobre cuestións e procedementos metodolóxicos do ensino das habilidades acuáticas, expostas durante o desenvolvemento da materia, en situación simulada na propia piscina.
1.b. Que o resultado do exame teórico sexa igual ou superior a 5.00.
1.c. Que o resultado do exame práctico sexa "apto".
1.d. Que a media ponderado resultado dos distintos elementos de avaliación sexa igual ou superior a 5.00; pola contra haberase de repetir o exame teórico. Segundo o exposto, a nota final obterase como resultado da media ponderado dos distintos apartados da avaliación, considerando que calquera porcentaxe correspondente a unha actividade que non sexa realizada, nin obrigatoria, pasará a integrarse no apartado do exame teórico-práctico.

2. Criterios de actuación cos estudantes lesionados na avaliación da práctica da actividade física:
2.a. Os alumnos lesionados poderás solicitar a adaptación das tarefas motrices a realizar nas probas de avaliación.
2.b. No caso de que a lesión non permita a realización da avaliación práctica esta levará a cabo nunha posterior oportunidade da mesma ou outra convocatoria.

3. Observacións con respecto ás convocatorias de exame e ás puntuacións das preguntas de exame:
3.a. Cada convocatoria consta de dúas oportunidades (xuño e xullo). Cando nunha mesma convocatoria un alumno ten unha cualificación de "non presentado" nunha oportunidade e "suspenso" na outra, no seu expediente constará na convocatoria como "suspenso".
3.b. Na folla de exame, a puntuación de cada pregunta farase explícita no caso de que as preguntas teñan un valor diferente.

4. Mantemento de notas na segunda oportunidade da convocatoria:
Manteranse as cualificacións obtidas en calquera dos apartados de avaliación logrados na primeira oportunidade de cada convocatoria.

5. Mantemento de notas en convocatorias posteriores:
5a. Manteranse as cualificacións obtidas en calquera dos apartados de avaliación logrados en convocatorias anteriores, exceptuando o caso dun posible cambio do docente que imparta a materia.
5.b. Os criterios para as convocatorias extraordinarias serán os mesmos aos xa establecidos.

6. Consideración en casos de matrícula parcial:
6.a. Primeira oportunidade: manteranse os requirimentos expostos para a matrícula ordinaria; é dicir, o alumno deberá realizar as tarefas expostas para as apartado "Práctica a través de TICs" e a "proba mixta" xa que son de carácter obrigatorio; o resto son de carácter optativo, de modo que para a obtención da nota final atenderase ao establecido no punto 1 do presente apartado "observacións de avaliación", aínda que só se requirirá do 80% de asistencia ás clases prácticas.
6.b. Segunda oportunidade e convocatorias posteriores: aplicarase o establecido nos anteriores apartados 4 e 5.

7. Idioma do exame
O exame estará no idioma de impartición da materia; se algún alumno desexa unha copia do exame no outro idioma oficial da UDC, deberá solicitalo ao profesor, como mínimo, unha semana antes da data da súa realización.