O corpo docente da materia do Máster está integrado por profesorado da UDC e da UTAD. As linguas nas que se imparte son o español, galego e portugués.
A calidade do espazo público determina en boa medida o progreso dunha cidade. A identidade do lugar, a función de uso social e o espazo simbólico son indicadores que dan conta da interacción das persoas coas súas contornas urbanas. Cada vez máis, a calidade de vida dos cidadáns dunha cidade depende da calidade do seu deseño e da capacidade que o responsable público ten de propoñer enfoques sostibles e integradores.
Esta UC persegue analizar para comprender e entender para proxectar. Con este obxectivo proponse analizar diferentes espazos públicos, considerados lugares nos que inserir propostas que lle acheguen calidade e complementariedade, e para iso han de explorarse as súas problemáticas e as súas potencialidades. Abordásense a identificación tanto de espazos colectivos singulares como as redes de espazos. A consideración destes sistemas permitirá “coser” as diferentes realidades que conflúen nas estruturas urbanas.
O entendemento das necesidades e das aspiracións do colectivo, conxuntamente coas posibilidades latentes do espazo urbano, facilitará a creación de medios ambientes adecuados, que sirvan para organizar os usos das estruturas urbanas e que se comporten como referencias para os cidadáns.
A representación gráfica utilizarase como método de comprensión e interpretación da realidade material, tanto dos espazos no medio ambiente como das estruturas urbanas e de servizos.
(*)A Guía docente é o documento onde se visualiza a proposta académica
da UDC. Este documento é público e non se pode modificar, salvo casos excepcionais baixo a revisión do
órgano competente dacordo coa normativa vixente que establece o proceso de elaboración de guías
Asignaturas
