<p> A avaliación, como sistema de recolleita de información orientada á
emisión de xuízos de valor (e no seu caso de mérito) sobre o proceso de
aprendizaxe, require un desenvolvemento continuo cunha constante
implicación do alumno. Con esta premisa, asistencia e participación
enténdense fundamentais, de forma que unha ausencia injustificada e
reiterativa repercute desfavorablemente na cualificación obtida por
curso, en similar proporción que unha carencia de participación ou unha
actitude negativa. Nos criterios de correción recóllense non só a
exactitude dos resultados, senón tamén a claridade da presentación, a
estructuración da análise efectuada, a utilización de unidades, a
correcta aplicación dos criterios normativos, e a terminología
empregada.<br />
<br />
O sistema de avaliación continua configúrase con probas mixtas, que se
realizarán durante o curso, e a práctica de taller. As probas mixtas
representan o 80% da cualificación global e o 20% restante corresponde á
cualificación obtida no taller. Para poder superar a materia por curso
hai que obter unha cualificación mínima, considerando tanto as probas
mixtas como o taller, de 5 sobre 10, esixíndose asímismo unha
cualificación mínima de 1 sobre 5 na práctica de taller. Para poder
realizar as probas mixtas intermedias será requisito ter unha asistencia
de polo menos do 70%.<br />
<br />
Os alumnos que non superen a materia por curso volverán examinarse das
partes pendentes nas dúas oportunidades do mesmo curso. En ámbolos dous casos
conservarase a nota do taller obtida.<br />
<br />
Os alumnos que superen a materia de proxectos 7, para poder aprobar
estruturas 4, terán que facer a súa proposta de taller sobre o
tema desenrolado no curso en que superen proxectos 7, sendo exixible en
todo caso un adecuado seguimiento durante o período da docencia da
materia de taller.</p>