1. Asistencia
O alumnado debe asistir ás clases expositivas, actividades recomendadas, e presentar as obras gráficas, maquetas, etc. propostas nos talleres, co nivel de calidade requirido para superar a materia.

A asistencia é obrigatoria ao 80%, así como aos talleres compartidos. Sen este requisito, ningún estudante poderá aprobar a materia por curso. A entrega de menos do 100% das prácticas, no seu prazo, significará que o curso non foi seguido e unha nota de "Non presentado" na primeira oportunidade. 

2. Inscrición tardía. 

O estudantado matriculados tralo inicio do curso, deberá asistir ás clases teóricas e prácticas desde a data de matrícula, coa posibilidade de recuperación das prácticas realizadas ata esa data.

3. Oportunidades.

Para superar a materia o estudantado terá dúas oportunidades: xaneiro e xullo. Quen non pase a primeira oportunidade pode presentarse á segunda. En ambos os casos deberá realizar unha proba obxectiva.

Para poder presentarse á segunda oportunidade o alumnado deberá entregar o 100% das prácticas do curso debidamente tuteladas. No caso de non ter aprobado os traballos tutelados na 1ª oportunidade, os mesmos poderánse mellorar, ou no seu caso realizar outro traballo adicional, dacordo coas indicacións do profesorado.

4. Mobilidade.A docencia ao alumnado procedente de programas de mobilidade basearase en condicións pedagóxicas, lingüísticas e de programación específicas e na realización de traballos tutelados especiais.

*En caso de dispensa académica ou dedicación a tempo parcial, deberá poñerse en contacto co responsable do seu grupo nas primeiras semanas do curso para resolver o caso concreto. En calquera caso, deberase cumprir todo o relacionado coa entrega de tarefas e titorías.