1. Asistencia. O alumnado debe asistir ás sesións maxistrais e presentar os traballos gráficos, maquetas, etc. propostos, co nivel de calidade esixido para superar a materia.

A asistencia é obligatoria polo menos nun 80% ás clases teóricas e prácticas, así como aos talleres compartidos. Sen ese requisito, ningún estudante poderá aprobar por curso a asignatura. 

A entrega de menos do 100% das prácticas, no seu prazo, significará que o curso non foi seguido e unha nota de "Non presentado" na primeira oportunidade. 

Para poder presentarse á segunda oportunidade o alumnado deberá ter entregado o 100% das prácticas do curso debidamente tuteladas, tamén poderá ter que que realizar outro traballo adicional.

2. Matrícula tardía. O alumnado matriculado con posterioridade ao comezo do curso académico, deberá asistir ás clases teóricas e prácticas desde a data da súa matrícula, coa posibilidade de recuperación das prácticas realizadas ata esa data.

3. Oportunidades. Para superar a materia, o alumno disporá de dúas oportunidades: xuño e xullo. Quen non supere a primeira oportunidade poderá presentarse á segunda. En ambos os casos trátase de probas gráficas prácticas.

4. Mobilidade. A docencia ao alumnado procedente de programas de mobilidade, remitirase a condicións pedagóxicas, lingüísticas e de calendario específicas e á realización de traballos tutelados especiais.