Introducir ao alumno no deseño e cálculo de estruturas non convencionais e por iso menos frecuentes na actividade profesional normal, con especial incidencia en estruturas lixeiras, cubertas de grandes luces e edificios en altura.
Ante á constante evolución dos medios e procesos dixitais como instrumentos de deseño, análise, representación e fabricación, proponse ao alumno a súa inmersión no uso de ferramentas informáticas de analisise estrutural. Para iso utilizaranse procesos baseados en B.I.M (Building Informatión Model) profundizando na relación entre o modelo de información do edificio e o modelo analítico. Analizarase o formato IFC (Industry Foundation Classes) como ferramenta de intercambio de información entre o diferentes paquete de software analizados ao longo do curso. O alumno poderá facer uso adecuado dos programas dispoñibles no Laboratorio de Deseño Asistido da Escola Técnica Superior de Arquitectura: Revit, Robot Structural Analysis, Dynamo, Dynashape ou plataformas de libre distribución como o módulo Kangaroo e Flexhopper sobre Rhinoceros-Grasshopper entre outros.
Así mesmo enlazaranse os coñecementos adquiridos no proceso da elaboración do proxecto de estruturas coas ferramentas de fabricación dixital, impresoras 3D e máquinas de control numérico dispoñibles no Laboratorio de Fabricación Dixital da ETSAC. Para iso realizaranse unha serie de prácticas que partindo de exemplos elementais posibiliten a creación e posterior análise estrutural de modelos a escala reducida.
(*)The teaching guide is the document in which the URV publishes the information about all its courses. It is a public document and cannot be modified. Only in exceptional cases can it be revised by the competent agent or duly revised so that it is in line with current legislation.
Subjects
