• Exames teórico-prácticos:
  realizarase unha proba parcial ao final do primeiro cuadrimestre e outra ao
  final do segundo. Ademais, haberá un exame final en cada oportunidade.

• Tanto na primeira como na segunda
  oportunidade, para aprobar a materia é necesario obter polo menos un 3,5 en
  cada unha das partes correspondentes aos dous cuadrimestres en que se divide a
  materia.
• No exame da primeira
  oportunidade, os/as estudantes que non superen a materia por parciais, pero
  obteñan unha nota superior a 3,5 nalgún deses exames, poderán optar por non
  examinarse desa parte (compensando a nota coa da outra parte) ou ben examinarse
  de todo o contido da materia. Nese caso, tomarase a nota máis alta das obtidas
  no parcial e no exame final.
• No exame da segunda oportunidade,
  os/as estudantes que obtivesen unha nota maior ou igual a 5 nalgunha das partes
  correspondentes aos dous parciais da primeira oportunidade poderán presentarse
  só á outra parte da materia.

• Probas: ao final de cada tema
  realizarase unha proba/test voluntario de carácter teórico.
• Problemas: en cada tema
  propoñeranse unha ou varias prácticas con problemas a resolver na aula.
  Nalgunhas destas prácticas utilizarase Octave ou MATLAB para a resolución das
  mesmas.

 En cada oportunidade, a nota final obtida será o máximo de:

a)    
(nota do exame (ou exames)).

b)    
(nota do exame (ou exames)) x0'7+
(nota de curso) x 0'3.

A nota de curso
calcúlase a partir da nota das probas (40%) e a nota de problemas (60%). Para
que esta nota sexa tida en conta é necesario asistir polo menos ao 80% de todas
as clases de problemas (con e sen entrega). A peor nota tanto de probas como de
prácticas non se terá en conta para a nota final (en caso de faltar a algunha
proba ou non entregar unha práctica, descartarase o cero que iso supoñería).

Para aprobar a materia, a nota final deberá ser maior ou igual a 5, e as
notas de cada unha das partes do exame (parciais) maior ou igual a 3.5. Por
iso, se a nota final é superior a 5 pero a cualificación dunha das partes do
exame (parciais) é inferior a 3.5, a nota final será 4.5.

 A realización fraudulenta de probas ou prácticas, unha vez comprobada,
implicará directamente a cualificación de "0" na nota de curso. No
caso dos exames, implicará directamente a cualificación de suspenso
"0" na materia na oportunidade correspondente.