Avaliaranse de forma independente os tres bloques en que se divide a materia, de modo que para aprobar será necesario superar cada un deles por separado nalgunha das convocatorias do curso. 

Pódese manter a cualificación das prácticas aprobadas en cursos anteriores se se realiza unha petición expresa. 

 Nos bloques 1 e 2 darase a oportunidade de presentarse a un exame de avaliación continua durante o curso ao alumnado que aprobase previamente as prácticas de aula.

Bloque 1

• A nota final procederá dos seguintes apartados con esta ponderación:  
• Práctica de Aula 1 ( PA1): 10%. Exercicios prácticos sobre redacción de proxectos a realizaren a aula nunha data concreta a determinar.  
• Práctica de Avaliación Continua 1 ( PEC1): 50%. Traballo ao redor da redacción dun proxecto hipotético. Poderá ser entregada na data que se determine durante o curso lectivo ou na do exame de xullo se non foi aprobada previamente. 
• Exame do bloque 1: 40%. 
• Para superar o bloque precísase: 
• Obter unha nota mínima na PEC1 de 5. 
• Obter unha nota mínima no exame de 4. 
• Obter unha media ponderada superior a 5 entre prácticas e exame.

Bloque 2

• A nota final procederá dos seguintes apartados con esta ponderación:  
• Práctica de Aula 2 ( PA2): 20%. Realización dun problema de movemento de terras na aula nunha data concreta a determinar. 
  
• Práctica de Avaliación Continua 2 ( PEC2): 30%. Poderá ser entregada na data que se determine durante o curso lectivo ou na do exame de xullo se non foi aprobada previamente. 
•  Exame do bloque 2: 50%. 
• Para superar o bloque precísase: 
•  Obter unha nota mínima na PEC2 de 5. 
•  Obter unha nota mínima no exame de 4. 
•  Obter unha media ponderada superior a 5 entre prácticas e exame.

Bloque 3

• A nota final procederá dos seguintes apartados con esta ponderación:  
• Práctica de Aula 3 ( PA3): 20%. Traballo relacionado coa Lei de Contratos a desenvolver na aula nunha data concreta a determinar. 
  
• Práctica de Avaliación Continua 3a ( PEC3a, relacionada coa lexislación relativa a Seguridade e Saúde): 15%. A data límite de entrega será a do exame da convocatoria de xuño.  
• Práctica de Avaliación Continua 3 b ( PEC3 b, relacionada con algunha normativa sectorial): 15%.A data límite de entrega será a do exame da convocatoria de xuño. 
•  Exame do bloque 3: 50%. 

• Para superar o bloque precísase:  
• Obter unha nota mínima no exame de 4. 
• Obter unha media ponderada superior a 5 entre prácticas e exame ou, sila anterior media é inferior a 5, obter unha nota mínima no exame de 5.

No
caso de que por razóns xustificadas un alumno non poida participar nunha
práctica de clase avaliable ou na visita de campo, os profesores determinarán
un exercicio que poida substituílo. Causas xustificadas serán as establecidas
no Artigo 12 das "Normas de avaliación, revisión e reclamación
das cualificacións dos estudos
de grao e mestrado universitario", aprobada polo
Consello de Goberno do 19 de decembro de 2013 e modificada o 30
de abril de 2014. Igualmente, valoraranse alternativas en casos de estudantes
con dedicación a tempo parcial ou de modalidades específicas de aprendizaxe e
apoio á diversidade.