A cualificación de Non Presentado outorgarase a todos aqueles alumnos que non se presentaron á proba práctica e á proba mixta en cada unha da convocatoria oficiais. No caso de presentarse a unha destas probas, o alumno non poderá obter esta cualificación.

En caso de non superar a proba mixta e/ou a proba práctica, a cualificación que aparecerá nas actas será a da proba non superada coa cualificación máis elevada.

O profesorado da materia poderá decidir libremente o número de Matrículas de Honra a outorgar entre as máximas establecidas anualmente. Estas poderanse conceder entre aqueles alumnos que teñan a cualificación de sobresaliente, adxudicándose por orde de cualificación.

O profesor, se así o decide, poderá facer adaptacións á avaliación para os alumnos que xa cursasen a materia en anos anteriores e os alumnos con matrícula a tempo parcial, en canto ás  datas da proba mixta e proba prácticas e ás datas de entrega e contidos dos traballos tutelados.