No caso dos estudantes que
asistan a máis do 80% das sesións o valor de cualificación da proba
mixta dividirase entre a avaliación dos traballos tutelados, aos que
lles corresponderá o 60% da cualificación, e a avaliación
da aprendizaxe colaborativa á que lle corresponderá o 30%. 

Se o estudante non chega a unha asistencia do 80% das clases
presenciais deberá entregar todos os traballos solicitados e será avaliado, polo traballo individual e pola proba
mixta. Neste caso os dous ítems da avaliación empregados (traballo
e proba individual) terán unha ponderación do 50%, esixíndose cadansúa
nota igual ou superior a 5 sobre 10 para aprobar a materia.

Aqueles
alumnos/as con dispensa académica de exención de asistencia (que deberán
comunicalo a primeira semana de clase) serán
avaliados a través dunha proba realizada na data oficial, e dos traballos realizados individualmente e entregados nas datas fixadas pola docente A nota final no caso deste alumnado será a media ponderada
das cualificacións obtidas, solicitándose tanto
no traballo como na proba unha nota igual ou superior a 5 sobre 10 para
aprobar a materia.

NOTA 1: 

• Os erros ortográficos nos traballos e materiais presentados reducirán a puntuación final.
• O plaxio detectado nos traballos entregados será motivo de suspenso na materia.