| Presentación oral |
Exposición grupal ante o grupo-clase dun documento escollido polo micro-grupo (de entre os títulos de documentos presentados en Moodle). Tempo total de exposición: 10-15 minutos. Despois de cada exposición haberá unha discusión dirixida co grupo-clase sobre o tema e os contidos expostos.
Intervención inherente aos procesos de ensino-aprendizaxe baseada na exposición verbal a través da que o alumnado e profesorado interactúan dun modo ordenado, expoñendo temas, conceptos, principios, traballos, experiencias e feitos; propoñendo cuestións varias; comentando textos; e realizando aclaracións de forma dinámica. |
| Traballos tutelados |
Desenvolvemento en parellas ou en grupos de tres dun traballo a partir ben dun estudio de caso, ben dunha revisión bibliográfica, en referencia a un fenómeno ou problemática da convivencia nas institucións educativas, con síntese crítica de perspectivas tanto teóricas como prácticas.
Recoméndase a entrega dos traballos impresos sen plásticos de encadernación, elixir a impresión a dobre cara, empregar papel reciclado e evitar imprimir bosquexos (racuños/bosquexos). Débese facer un uso sustentábel dos recursos e a prevención de impactos negativos sobre o medio natural. Débese ter en conta a importancia dos principios éticos relacionados cos valores da sustentabilidade nos comportamentos persoais e profesionais.
Para máis información sobre o formato e o período de entrega do traballo, véxase o espazo da materia na plataforma Moodle. |
| Discusión dirixida |
Técnica de dinámica de grupos na que as/os integrantes dun grupo discuten de forma libre, informal e espontánea sobre un tema, aínda que poden estar coordinados por un/ha ou máis moderadores/as (neste caso, as profesoras). |
| Aprendizaxe colaborativa |
Dinámicas de grupos variadas, que se empregarán en clase nos debates e exposicións, no xogo de rol, na análise das fontes realizada en parella ou grupo, e nos traballos tutelados. Aparte de avaliar a nivel colectivo o grao de colaboración de cada grupo, o grao de participación de cada estudante nestas dinámicas colectivas avaliarase a nivel individual. |
| Simulación |
Técnica de dinámica de grupos que ten como obxectivo axudar a desenvolver a perspectiva social e a empatía mediante a representación de diferentes papeis dentro de situacións conflitivas onde interveñen diferentes posturas que teñen que ser combinadas. Utilízase para traballar as relacións interpersoais, o comportamento, os valores e as actitudes. |
| Análise de fontes documentais |
Técnica metodolóxica que supón a utilización de documentos audiovisuais e/ou bibliográficos (fragmentos de reportaxes documentais ou filmes, noticias de actualidade, paneis gráficos, fotografías, biografías, artigos, textos lexislativos, etc.) relevantes para a temática da materia, con actividades especificamente deseñadas para a análise dos mesmos. Pódese empregar como introdución xeral a un tema, como instrumento de aplicación do estudo de casos, para a explicación de procesos que non se poden observar directamente, para a presentación de situacións complexas ou como sínteses de contidos de carácter teórico ou práctico. |
Asignaturas