Dispoñibilidade dun dispositivo dixital con conexión a wifi. Recoméndase o envío dos traballos por vía telemática; se non fose posible, non utilizar plásticos, elixir a impresión a
dobre cara, empregar papel reciclado e evitar imprimir borradores. Cómpre facer un uso sostible dos
recursos e da prevención de impactos negativos sobre o medio natural, e ter en conta os principios éticos relacionados coa sostibilidade nos comportamentos persoais e profesionais.
A participación na materia de Innovación pretende crear unha situación de doble innovación, facendo que os estudantes experimenten o traballo por proxectos e deseñen unha proposta de innovación apoiada na aprendizaxe baseada en proxectos. Para iso teranse en conta os seguintes principios de procedemento:
a. Adaptación dos contidos a
problemas reais da práctica da Educación Secundaria.
b. Desenvolvemento das competencias dixitais docentes, a
través das materias especialmente, a Alfabetización Informacional (ALFIN) e a
produción de contidos dixitais.
c. Produción dun banco de recursos e experiencias por
parte do alumnado, facendo uso de recursos dixitais como marcadores sociais e
outros.
d. Aplicación de categorías de reflexión e clasificación que
podan ser usadas polo alumnado na descrición e análise de
experiencias, estudos de caso, materiais, ferramentas, documentos.
|