A avaliación realizarase segundo os seguintes criterios:

a-) As clases expositivas NON serán de asistencia
obrigatoria.

Quen decida asistir, será porque realmente interésalle a
materia e moveralle o compromiso coas clases e coas súas compañeiras e
compañeiros.

Non asistir non penaliza, pero non exime de coñecer os
contidos, xa que serán a base das actividades que se realizan nas clases
interactivas e serán avaliados de maneira continua cun exame despois de cada
tema, a través do Campus virtual da UDC. Estas avaliacións teñen un valor do 20% da nota. A nota dos parciais (20%) resultará dos parciais presentados sobre o total de parciais realizados na materia.

A decisión de asistir ás clases expositivas implica
compromiso e débese definir na primeira semana de clase.

b-) As clases interactivas serán obrigatorias para as
persoas matriculadas  e será importante a
participación nas actividades  propostas
nas clases e especialmente a actitude (ante a
materia e ante os compañeiros e compañeiras).

c-) Avaliación grupal, terase en conta a participación do
alumnado nas actividades e traballos de aplicación propostos en clase (grupos
de mínimo 3 e máximo 5 persoas).

Cada tema da materia terá como complemento, a elaboración dun ou varios traballos específicos que se explicarás no seu momento.  Esta parte terá o 40% da nota.

Cada subgrupo presentará os traballos en tempo e forma ante
o grupo interactivo correspondente.

d-) Avaliación individual (Proba oficial fixada polo centro)
mediante unha proba escrita (exame tipo test e resposta curta) que se realizará
ao finalizar o cuadrimestre e que terá unha parte teórica e unha parte práctica
sobre o tratado nas clases (40% da nota).

Presentarse ás avaliacións parciais (de cada tema) non
exime, a ninguén, de ter que presentarse á proba oficial, xa que son
porcentaxes diferentes para a nota final.

Alumnado con recoñecemento de dedicación a tempo parcial e dispensa académica de exención de asistencia:

-O alumnado que non poida “asistir” ás clases interactivas
(previa autorización da comisión pertinente) é dicir, que teñen dispensa de
asistencia total ou parcial, terá os mesmos dereitos e deberes que as persoas
asistentes....Os exames parciais (exame despois de cada tema 20% da nota) e a
proba mixta (proba oficial) que será a mesma para todo o alumnado e valeralles
o 40% da nota. Ademais, terán que realizar os traballos solicitados en clase
que será o outro 40% da nota, e que deberán entregarse en tempo e forma co
resto do alumnado de clase.

NOTA:  

A realización fraudulenta das probas ou actividades de avaliación, unha vez comprobada, implicará directamente a cualificación de suspenso na convocatoria en que se cometa: o/a estudante será cualificado con “suspenso” (nota numérica 0) na convocatoria correspondente do curso académico, tanto se a falta se produce na primeira oportunidade como na segunda. Para isto, procederase a modificar a súa cualificación na acta de primeira oportunidade, se fose necesario