Modalidades de avaliación

Estabelécense tres modalidades de avaliación:

1. Para as persoas que formen grupo (constituído por un mínimo de catro persoas) e asistan regularmente ás aulas:

• Un traballo tutelado en grupo (60% da cualificación).
• Unha tarefa de reflexión individual (40% da cualificación).

Para superar a materia é preciso ter aprobadas ambas as probas. As persoas que concorran á oportunidade de xullo só repetirán a parte suspensa.

O traballo colaborativo é fundamental nesta modalidade de avaliación, polo que se realizará un seguimento da asistencia do alumnado ás sesións interactivas.

Ao longo do curso poderase propor algunha actividade opcional, que suporá un pequeno incremento na nota final.

2. Para o alumnado con dispensa académica:

• Un traballo tutelado (60% da cualificación). Segundo os casos, valorarase a posibilidade de realizalo en grupo ou individualmente.
• Unha tarefa de reflexión individual (40% da cualificación).

Para superar a materia é preciso ter aprobadas ambas as probas. As persoas que concorran á oportunidade de xullo só repetirán a parte suspensa.

3. Para as persoas sen dispensa académica que non formen grupo ou non asistan regularmente ás aulas:

• Unha única tarefa individual: unha proba mixta (100% da cualificación).

Entrega dos traballos

Os traballos entregaranse en formato dixital a través do Campus Virtual.