|
Para cursar a materia non existen prerrequisitos legais, mais pola lóxica na progresión dos contidos dentro da titulación, recoméndase ter cursado antes as materias Didáctica da Lingua Galega e Didáctica da Lingua Castelá. A materia optativa Didáctica do Teatro e a Dramatización Infantil supón unha continuación dun dos contidos abordados dentro do temario. Para a superación desta materia é necesario posuír un dominio profesional das habilidades lingüísticas orais e escritas nas dúas linguas oficiais da Comunidade Autónoma. É aconsellábel, ademais, coñecer a terminoloxía e os conceptos básicos da análise literaria. Nesta materia traballarase para identificar e modificar prexuízos e actitudes sexistas, homófobas, racistas etc., ou calquera situación discriminatoria, e proporanse accións e medidas para as corrixir e fomentar valores de respecto e igualdade. |
Subjects