Teoría da educación constitúe unha das materias de carácter básico que se sitúa no primeiro curso e no primeiro cuadrimestre do Grao en Educación Primaria; un momento particularmente sensible e decisivo no comezo da construción da traxectoria formativa do estudantado universitario, e cuxos contidos e competencias resultan un alicerce pedagóxico esencial sobre o que se irán construíndo os piares da súa cualificación e desenvolvemento profesional. Xunto a outras materias coas que atopamos frutíferas conexións conceptuais e epistemolóxicas ao longo de toda a titulación, pretendemos axudar ao alumnado a analizar e comprender criticamente o fenómeno e procesos educativos dende unha perspectiva reflexiva e teórico-práctica. Afondarase asemade nos principios, fins e valores que orientan a función educadora, así coma no estudo dalgunhas das teorías, correntes e movementos educativos máis relevantes e representativos da nosa época, sen perder de vista a imprescindible defensa permanente dos dereitos da infancia. Deste xeito, ofrecerase unha visión actual e prospectiva dos principais desafíos aos que debe facer fronte a escola do século XXI no marco social e comunitario, achegándonos a algunhas das tendencias innovadoras que se albiscan como alternativas posibles e pedagoxicamente desexables, nomeadamente no contexto do ensino primario. Procurarase, xa que logo, contribuír –dende un enfoque emancipador, ético e transformador– á construción do pensamento pedagóxico das futuras mestras e mestres, avogando pola recuperación da súa función como intelectuais e creadoras de cultura.
Plan de continxencia
As modificacións realizaranse por parte do profesor/a que se contrate para impartir a materia.
1. Modificacións nos contidos
Non se realizarán cambios
2. Metodoloxías
Metodoloxías docentes que se manteñen
- Docencia presencial interactiva.
- Discusión dirixida.
- Traballos tutelados.
- Atención personalizada
Metodoloxías docentes que se modifican
- As sesións maxistrais (expositivas) serán dadas integramente online e dispoñibilizadas ao alumnado mediante video.
3. Mecanismos de atención personalizada ao alumnado
- Correo electrónico:de uso para facer consultas, solicitar encontros virtuais para resolver dúbidas e facer o seguimento dos traballos tutelados.
-Moodle: Segundo a necesidade do alumando. Dispoñen de “foros temáticos asociados aos módulos” da materia, para formular as consultas necesarias.Tamén hai “foros de actividade específica”.
- Teams: Sesións de pequeno grupo (para seguemento dos traballos tutelados). Previa petición por correo electrónico. En modalidade presencial, cada grupo deberá realizar como mínimo dúas titorías.
4. Modificacións na avaliación
O estudo de caso pertencente ao cartafol realizarase partindo da documentación dunha experiencia educativa a través de internet, debido ás dificultades que conleva o distanciamento social e as restriccións de movilidade.
5. Modificacións da bibliografía ou webgrafía:
- Non se realizarán cambios.
(*)A Guía docente é o documento onde se visualiza a proposta académica
da UDC. Este documento é público e non se pode modificar, salvo casos excepcionais baixo a revisión do
órgano competente dacordo coa normativa vixente que establece o proceso de elaboración de guías
Asignaturas
