A parte práctica constará de diversas actividades (traballos en grupo e individuais, exposicións orais na aula e outros traballos de carácter práctico). Para aprobar esta parte é necesario realizar todos e cada un dos traballos cumprindo coas condicións e datas de entrega indicadas polo profesor e obter unha nota media igual ou superior a 5 puntos. A calificación obtida nesta
parte (si é superior a 5), manterase para as dúas convocatorias de avaliación. Si a
calificación obtida é inferior a 5, teránse  que volver a entregar as
actividades na convocatoria de avaliación da segunda oportunidade.

A distribución da nota final da materia farase da seguinte maneira: 50% parte teórica, 40 % parte práctica e 10 % asistencia e participación en clase  (ou asistencia e participación en titorías para o alumnado con dispensa académica).

Para a obtención da cualificación final, será necesario ter aprobadas tanto a teoría como a práctica. Unha vez superadas ambas, obterase a nota media. Cada profesor/a poderá distrubuír os porcentaxes da parte práctica (40%) en cada un dos grupos (A e B) coas probas que considere oportunas, manténdose as mesmas porcentaxes globais. 

Será necesaria a asistencia a un mínimo do 80 por cento das sesións (teóricas e prácticas) de cara a permitir un adecuado seguimento e a avaliación continua do alumnado.
Os/As alumnos/as que asistisen a menos do 80% das clases (os que optaron pola matrícula con parcial e dispensa académica de exención de asistencia) deberán acudir a unha tutoría co profesor e terán que presentarse a un exame específico debido ás súas circunstancias especiais. Neste caso, o sistema de avaliación consistirá nun exame sobre a materia, sen que se engadan outros traballos ou actividades prácticas á avaliación final.  Este sistema será válido para a convocatoria de avaliación do primeiro cuatrimestre e para a segunda oportunidade de avaliación
(xullo).

Dentro dos criterios de avaliación da modalidade de avaliación continua considérase especialmente importante:
a) Os traballos e prácticas realizados e presentados durante o curso: Valorarase os exercicios prácticos tanto na súa presentación como no seu contido (a comprensión do tema, a organización expositiva e a aplicación da perspectiva sociolóxica ao redor dos fenómenos sociais e textos propostos para análises)
b) Exame final da materia: Valorarase a comprensión e coñecemento dos contidos da materia traballados durante o curso. Tamén se terán moi en conta a correcta expresión e o acertado uso da ortografía.
c) A asistencia e participación nas clases e nas actividades prácticas propostas durante o curso: Valorarase positivamente o interese que o alumno mostre na marcha da materia, nas súas dúas perspectivas (teórica e práctica); o interese apreciado repercutirá na cualificación final.