GRUPO A

Mª Dolores Cotelo Guerra

1. OPCIÓNS DE AVALIACIÓN

Atendendo ó traballo e á participación do alumnado na materia, a avaliación contempla dúas opcións:

Opción A:
Para o alumnado que asiste/participa nas actividades de aula
(asistencia mínima 85%), correspóndelle a porcentaxe de avaliación seguinte: 10%  Análise de Fontes Documentais;
30% Traballos tutelados; 10%
Recensión; 50% Proba de ensaio. A convocatoria de xullo estará sometida aos mesmos criteriso que a convocatoria de maio.

Opción B: Para o alumnado que non asiste/participa nas actividades de aula (asistencia inferior ao 85%), e por tanto con recoñecemento de dedicación a tempo parcial e dispensa académica de exención de asistencia,
segundo establece a "NORMA QUE REGULA O RÉXIME DE DEDICACIÓN AO ESTUDO
DOS ESTUDANTES DE GRAO NA UDC (Arts. 2.3; 3.b e 4.5) (Aprobada en Consello de Goberno o 29/5/212), establécese
que ademáis do traballo que en cada caso particular se especifique,
realizará unha proba de ensaio con carácter obrigatorio ao final do
cuadrimestre na data sinalada oficialmente. Esta proba terá un valor do
50% do total da nota final. A convocatoria de xullo estará sometida aos mesmos criteriso que a convocatoria de maio.

2. OBSERVACIONS ADICIONAIS:

-
A asistencia as sesións de clase é imprescindible e será considerada de
forma positiva no proceso de avaliación. Como xa se dixo, a
presencialidade ven determinada por unha asistencia mínima do 85%.

- Para superar a materia é imprescindible presentar todas as actividades e prácticas propostas ademáis de realizar a proba de ensaio. De faltar algunha actividade ou práctica non hai opción a facer a proba escrita e por tanto, a materia quedará pendente para xullo.

- A cualificación final sera a suma das puntuacións obtidas en cada un dos elementos de avaliación segundo o seu peso respectivo. Gardaranse as partes superadas da materia de unha convocatoria a outra, dentro do mesmo curso académico.

- No caso de que a avaliación resulte negativa ó final do cuadrimetre, na oportunidade de xullo só se repetirá a proba escrita.

- É obrigatorio pasar pola titoría mentres
se estea no proceso de elaboración do traballo tutelado. Este
entregarase e expoñerase na data que se indique. Para presentarse ao
examen é condición indispensable ter presentado o traballo.

-
Calquera circunstancia persoal que poida alteirar o seguimento da
materia por parte do alumnado deberá ser comunicada de inmediato para a
súa oportuna e axeitada consideración e mesmo para tomar as medidas a
que houbera lugar en cada caso.

-Ao longo do 2º cuadrimestre pode haber actividades de carácter científico e/ou divulgativo relacionadas coa materia que a docente considera oportuna a súa asistencia ainda que estén programadas fora do horario da materia, pero dentro do horario lectivo xeral. Nese caso, o alumnado será avisado con antelación para que poida asistir. Estas actividades computarán na evaluación.

- O alumnado repetidor da materia obrigatoriamente deberán poñerse en contacto ca profesora antes de que remate o mes de febreiro do presente curso académico para que lle indique, segundo os casos, a relación de traballos que terán que realizar de maneira individual. En calquera caso, establecerase unha proba oral ou escrita, segundo os casos, con carácter obrigatorio para todos  o final do cuatrimestre, na data sinalada oficialmente, e que suporá o 50% da nota final. O outro 50% corresponderá ós traballos que en cada caso sexan asignados expresamente ao alumnado .