Asistencia

A asistencia regular ás aulas dará ao alumno ou alumna o dereito de realizar os traballo titorizado de Aprendizaxe-Servizo. Se o/a alumno/a ou non cumpre con este requisito de asistencia (é dicir, falta máis dun 20% das horas) será avaliado/a unicamente mediante a proba obxectiva fixada en xuño pola xunta de facultade.

Modalidades de avaliación

• Os alumnos e alumnas presenciais (é dicir, aqueles que asistan a un 80% das clases), para superar a materia na oportunidade de xuño, deberán obter unha puntuación mínima de 4 puntos sobre 10 tanto no traballo de Aprendizaxe servizo como no resumo. Cunha nota inferior en calquera das dúas partes non superarán a materia e deberán presentarse á oportunidade de xullo para ser avaliados da parte que non superaran na convocatoria anterior.
• Os alumnos e alumnas non presenciais (aqueles que falten a más dun 20% das clases) serán avaliados na oportunidade de xuño soamente mediante unha proba obxectiva, na data fixada pola Xunta de Facultade.

Realización fraudulenta das probas

A realización fraudulenta das probas ou actividades de avaliación, unha vez comprobada, implicará directamente a cualificación de suspenso na convocatoria en que se cometa: a persoa será cualificada con “suspenso” (nota numérica 0) na convocatoria correspondente do curso académico, tanto se a comisión da falta se produce na primeira oportunidade como na segunda. Para isto, procederase a modificar a súa cualificación na acta de primeira oportunidade, se fose necesario.