As faltas de ortografía nos traballos e materiais presentados reducirá a puntuación final.

A asistencia considérase obrigatoria.

Se no exame final (Proba mixta) non se alcanza unha nota mínima de 4 sobre 10, non se fará media cos traballos e a nota final da materia será a ponderada entre o exame (80%) e a media dos test (Proba de resposta múltiple, 20%).

Os tests de cada un dos temas teñen a consideración de exame final obrigatorio da materia, polo que os estudantes que non asistan a clase deben realizar tanto o exame final como os test de cada tema, tanto nos exames de maio/xuño como de xullo.

Na oportunidade de xullo pódese realizar unha destas dúas probas (exame presencial e tests) ou ambas as dúas, por vontade do estudante. A nota do exame e dos tests fará media coa dos traballos do mesmo modo que no exame de maio.

O estudante que non
asista presencialmente ao 80% das sesións de aula, non será avaliado mediante o sistema
anterior. Será avaliado mediante un exame final (80%) e a realización do
test de cada tema (20% a media dos 5 tests), constituíndo esa nota
conxunta a cualificación final desta materia.

Se o estudante non asiste ao 80% das sesións de aula e realiza os traballos programados (traballo tutelado en grupo, presentación oral e foro virtual), estes suporán o 15% da cualificación final, a media dos test outro 15% e o examen o 70% (sempre e cando se acade un 4).