Non se admite a dispensa académica de exención de docencia.

As faltas de ortografía nos traballos e materiais presentados reducirán
a puntuación final.

Os contidos traballados nas prácticas de laboratorio avaliaranse
mediante as probas mixtas individuais de avaliación continua realizadas ao
longo do cuadrimestre e o traballo tutelado.

A cualificación final da materia será a suma ponderada global de
todas as probas individuais online de avaliación continua e o traballo
tutelado.

Se a media global é inferior a 5, a materia estará suspensa na
convocatoira de 1ª oportunidade e poderá optarse á convocatoria da 2ª
oportunidade. Na 2ª oportunidade, cada estudante recuperará aquelas probas que
suspendera na 1ª oportunidade. As probas individuias recuperaranse mediante
probas do mesmo tipo ca na 1ª convocatoria. O traballo tutelado recuperarase
mediante un traballo individual que recolla varios contidos tanto matemáticos como
didácticos, fixados en cada caso polo docente de entre todos os da materia e
seguindo as directrices do docente.

Os estudantes que non realicen algunha das act¡vidades
relacionadas coa avaliación continua ao longo do cuadrimestre non serán
avaliados mediante o sistema anterior, senón mediante un exame final escrito
presencial. En caso de suspender ese exame, na 2ª convocatoria serán avaliados
mediante outro exame final escrito presencial.

Cada estudante debe colocar no seu perfil de usuario de Moodle
unha foto  que o identifique.

Nos traballos de avaliación que se entreguen os contidos deben
estar apropiadamente referenciados ao longo do traballo e no apartado de
referencias usando certas normas. O texto literal debe declararse usando ditas
normas. No parafraseado deben figurar as fontes orixinais das ideas que se
reelaboran. A presencia de fontes científicas no traballo é un signo de
credibilidade que é un requisito imprescindible para demostrar a excelencia
académica. Recoméndase consultar:https://www.udc.es/gl/biblioteca/servizos/apoio_investigacion/servizos_apoio/index.html

Tense
que evitar o plaxio. As citas e as referencias a calquera texto debe
declararse, o uso literal do texto ou ideas doutros autores parafraseadas sen
declarar a fonte supón o suspenso do traballo en aplicación do artigo 14.4 da
NORMAS DE AVALIACIÓN, REVISIÓN E RECLAMACIÓN DAS CUALIFICACIÓNS DOS ESTUDOS DE
GRAO E MESTRADO UNIVERSITARIO, aprobada polo Consello de Goberno do 19 de
decembro de 2013 e modificada o 29 de xuño de 2017, na que se indica que "na
realización de traballos, o plaxio e a utilización de material non orixinal,
incluído aquel obtido a través de internet, sen indicación expresa da súa
procedencia e, se é o caso, o permiso do seu autor/a, poderá ser considerada
causa de cualificación de suspenso na actividade".