NORMAS XERAIS DE AVALIACIÓN

Primeira oportunidade (maio/xuño).

A cualificación final será consecuencia dos resultados obtidos nos seguintes apartados:

• Sesións interactivas (actividades prácticas de laboratorio e de lapis/papel). A súa asistencia é obrigatoria e son non recuperables. A cualificación deste apartado está condicionada á participación do alumno nas sesións programadas.
  100% de asistencia: 1 punto; más de 93%: 0,75; entre 86%-92%: 0,5; entre 80-85%: 0,25; menos de 80%: 0.
• Traballos tutelados. Realizaranse, obrigatoriamente, dúas actividades académicamente dirixidas (AAD), en pequenos grupos (3/4 alumnos). Cada AAD inclúe tres fases: a) planificación; b) presentación e c) valoración/reflexión. Deberá entregarse un traballo en relación a cada AAD para a súa avaliación. As súas características e datas de entrega comunicaranse o primeiro día de clase (non se recollerá ningún traballo fóra da data establecida). A cualificación deste apartado será a media das cualificacións obtidas en cada traballo. A non asistencia requerida nas fases de planificación e/ou presentación da AAD conleva que o traballo será cualificado como cero. Para que se teñan en conta as cualificacións destas dúas actividades, é requisito imprescindible ter asistido polo menos ao 80% das sesións interactivas.
• Proba individual global de avaliación dos resultados de aprendizaxe sobre os contidos das expositivas e as interactivas.  Realizarase na data establecida no calendario oficial da Facultade.

Para obter unha cualificación de aprobado, é imprescindible ter asistido polo menos ao 80% das sesións interactivas e obter unha media de polo menos 5 sobre 10 tanto nos traballos tutelados como na proba individual global.

A cualificación total farase en base á media ponderada de cada un dos apartados.

No caso de que o alumno asistira polo menos ao 80% das sesións interactivas e non acade o aprobado, a súa cualificación corresponderá á parte suspensa.

O alumnado que non acudira ao 80% das sesións interactivas, pode presentarse á proba individual pero a súa cualificación será de Non Presentado.

NOTA: A cualificación de sesións interactivas e traballos tutelados só se garda durante un curso académico.

Segunda oportunidade (xullo).

O alumnado que asistiu polo menos ao 80% das sesións interactivas e ontivo unha nota media igual ou superior a 5 sobre 10 nos traballos tutelados,

• Deberá realizar, na data establecida no calendario oficial da Facultade, unha nova proba individual global de avaliación dos resultados de aprendizaxe.

O alumnado que asistiu polo menos ao 80% das sesións interactivas e obtivo unha nota media igual ou superior a 5 na proba individual,

• Deberá realizar, na data establecida no calendario oficial da Facultade, unha proba específica relacionada co contido das AADs.

En ambos casos, a cualificación final farase en base á media ponderada das cualificacións obtidas nas sesións interactivas, traballos tutelados e proba escrita, sendo imprescindible acadar como mínimo un 5 sobre 10 nos traballos tutelados e na proba individual e ter asistido como mínimo ao 80% das sesións interactivas. A cualificación de suspenso corresponderá á nota da proba escrita.

O alumnado que non asistiu polo menos ao 80% das sesións interactivas,

• Deberá realizar, na data establecida no calendario oficial da Facultade, unha prueba específica relacionada co contido das AADs (30% da nota final)
• Deberá realizar unha nova proba individual global de avaliación dos resultados de aprendizaxe (70% da nota final)

O alumnado que non asistiu polo menos ao 80% das sesións interactivas e obtivo unha cualificación igual ou superior a 5 na proba individual (70% da nota final)

• Deberá realizar, na data establecida no calendario oficial da Facultade, unha proba específica relacionada co contido das AADs (30% da nota final)

En ambos casos, para obter unha cualificación de aprobado é imprescindible ter polo menos un 5 en cada unha das probas (global e específica). A cualificación de suspenso corresponderá á proba que suspenderan.

NORMAS ESPECÍFICAS DE AVALIACIÓN

Alumnado con recoñecemento de dedicación a tempo parcial segundo o establecido na "Norma que regula o réxime de dedicación ao estudo dos estudantes de Grao" na UDC (29/05/2012):

Deberá poñelo en coñecemento do profesor a primeira semana de clase.

Terá dereito preferente a elixir grupo cando haxa horarios diferentes nas sesións interactivas.

O resto da avaliación rexerase polo que establecen as "normas xerais de avaliación" desta guía docente.

Alumnado con recoñecemento de dedicación a tempo parcial e dispensa académica que lles exime da asistencia á clase segundo o establecido na "Norma que regula o réxime de dedicación ao estudo dos estudantes de Grao" na UDC (29/05/2012):

Deberá poñelo en coñecemento do profesor a primeira semana de clase.

A cualificación final na primeira convocatoria (maio/xuño) será consecuencia dos resultados obtidos nos seguintes apartados:

• Sesións interactivas (actividades prácticas de laboratorio e de lapis/papel). O alumnado debe realizar de maneira individual (sen obriga de asistir a clase) as sesións interactivas das que consta a asignatura, tendo que cumplir obrigatoriamente un calendario de entregas que o profesor lle dará a primeira semana de clase, unha vez que o alumnado lle presente o certificado de recoñecemento de matrícula a tempo parcial e dispensa académica. A cualificación deste apartado está condicionada á entrega por parte do alumno das prácticas e seminarios. Non se terán en conta os traballos entregados fóra de prazo. (100% de entregas: 1 punto; máis de 93%: 0,75; entre 86%-92%: 0,5; entre 80-85%: 0,25; menos de 80%: 0).
• Traballos tutelados. O alumnado terá que realizar, obrigatoriamente e de maneira individual, dúas actividades académicamente dirixidas (AAD) e terá que entregalas segundo o calendario establecido (non se recollerá ningún traballo fóra da data sinalada). A cualificación deste apartado será a media das cualificacións obtidas en cada traballo. Para que se teñan en conta as cualificacións destas dúas actividades, é requisito imprescindible ter entregado polo menos o 80% das sesións interactivas. (3 puntos).
• Proba individual global de avaliación dos resultados de aprendizaxe sobre os contidos das expositivas e as interactivas. Realizarase na data establecida no calendario oficial da Facultade. (6 puntos).

Para obter unha cualificación de aprobado, é imprescindible ter entregado polo menos o 80% das sesións interactivas e obter unha media de polo menos 5 sobre 10 tanto nos traballos tutelados como na proba individual global.

A cualificación total farase en base á media ponderada de cada un dos apartados.

No caso de que o alumno entregara polo menos o 80% das sesións interactivas e non acade o aprobado, a súa cualificación corresponderá á parte suspensa.

O alumnado que non entregara o 80% das sesións interactivas, pode presentarse á proba individual pero a súa cualificación será de Non Presentado.

NOTA 1: A cualificación de sesións interactivas e traballos tutelados só se garda durante un curso académico.

NOTA 2: A avalíación para a "segunda oportunidade (xullo)" será exactamente a mesma que a que aparece nas "normas xerais de avaliación" desta guía docente.