O alumnado que asista a un mínimo do 85% das sesións interactivas acollerase ao réxime de avaliación de presencialidade. Este tipo de avaliación consiste no desenvolvemento dunha serie de acividades e traballos prácticos que se irán plantexando ao longo do curso e que o alumno presentará (na data indicada polo docente) nun dosier de prácticas. Este dosier computará o 70% da cualificación final da materia. O outro 30% da cualificación corresponde a unha proba de tipo mixto (preguntas tipo test y de resposta curta) sobre os contidos abordados nas sesións expositivas. Para aqueles estudantes que consigan a cualificación de "Apto" no dosier, a proba mixta terá un carácter voluntario (é dicir, esta proba non sería un requisito indispensable para aprobar a materia, mais quen opte por presentarse a ela deberá aprobala para poder superar a materia. 

Aqueles que asistan a menos do 85% das sesións interactivas serán avaliados mediante unha proba mixta sobre os contidos abordados nas clases expositivas, que computará o 30% da cualificación, e mediante un exame práctico sobre os contidos desenvolvidos nas clases interactivas, que computará o outro 70% da cualificación. É imprescindible  obter unha puntuación do 50% do peso de cada unha das partes para superar a materia. 

Aqueles estudantes matriculados a tempo parcial terán o dereito a solicitar a dispensa académica, segundo contempla o apartado 5 do artigo 4 da Norma que regula o réxime de dedicación ao estudo dos estudantes de Grao na Universidade da Coruña (aprobada en Consello de Goberno de 28 de xuño de 2016):

Os estudantes a tempo parcial poderán solicitar aos Decanos e Directores dos
centros responsables da súa titulación a dispensa académica que lles exima da
asistencia a clase daquelas materias, ou partes de materias, nas que se admita a
citada dispensa na súa guía docente; porén en todo caso serán avaliados polo
sistema de avaliación continua . A solicitude de dispensa poderá realizarse no
momento de remitir a documentación xustificativa mencionada no apartado 1 deste
artigo.

Estes estudantes con recoñecemento de dispensa académica serán avaliados mediante un exame escrito sobre os contidos teórico-prácticos da materia, que computará o 100% da cualificación (o 30% corresponde aoo exame de contidos teóricos, que será unha proba mixta; e o outro 70%, ao exame de contidos prácticos. É imprescindible obter unha puntuación do 50% do peso de cada unha das partes para superar a materia). 

OBSERVACIÓNS
ADICIONAIS:

Para o alumnado presencial:

1. Para superar a materia é
necesario obter unha puntuación do 50% do peso de cada unha das partes obxecto
de avaliación (dosier de prácticas e proba mixta).

2. O dosier presentarase antes
da data do exame oficial.

Para todo o alumnado:

1. A convocatoria de xullo estará
sometida aos mesmos criterios que a convocatoria de xaneiro. 

2. Segundo establecen as
"Normas de avaliación, revisión e reclamación das cualificacións dos
estudos de grao e mestrado universitario (aprobada o 19/12/2013 e modificada o
30/04/2014) no Art. 21.2: Considerarase como “Non presentado” (NP) a aquel
estudante que, estando matriculado na materia, non concorra ás distintas
actividades de avaliación que se establecen para o curso académico. 

Así, será cualificado como “Non
presentado” cando:

a) Non complete o proceso de
avaliación continua, nas condicións que figure na guía docentes, ou 

b) Non se presente á proba do
período oficial de avaliación.