Tendo en conta o carácter "English friendly" desta materia, para aqueles alumnos que o soliciten, o exame poderá realizarse en inglés. Do mesmo xeito, o proxecto de investigación pode estar escrito en inglés.

O proxecto de investigación componse de varias tarefas: a) revisión da literatura científica sobre o tema elixido; b) formulación de preguntas de investigación; c) descrición dos obxectivos da investigación; d) descrición da metodoloxía que se vai empregar; e) presentación dos resultados; f) discusión dos resultados á luz da literatura tratada no primeiro apartado e dos obxectivos marcados; e g) conclusión.

É necesario superar o exame tipo test cun 65% de acertos para superar a asignatura, considerando que os erros non descontan.

A avaliación da segunda oportunidade conlevará a obriga de cumprimentar cós mesmos requerimentos de avaliación que para a primeira avaliación.

Os/as estudiantes con adicación a tempo parcial, ou que teñan algún tipo de exención ou dispensa académica, solicitarán unha titoría individual na que se adoptará unha decisión adaptada e razoada de acordo coa situación particular de que se trate.