CARACTERÍSTICAS DA AVALIACIÓN:

A avaliación nesta asignatura concíbese como un proceso reflexivo onde o alumnado toma conciencia de sí mesmo e das súas metas e a docente convértese en guía que orienta de cara a acadar uns obxectivos formativos. Neste sentido, proponse unha avaliación orientada á mellora que comporta o seguinte:

- As actividades realizadas para a avaliación serán tamén útiles para a aprendizaxe.

- Proponse a proalimentación co fin de que o alumnado saiba coñecer ónde está e mellorar o seu traballo e a súa aprendizaxe.

- O alumnado implicarase na avaliación do seu traballo, tendo a autoavaliación un espazo da materia.

- Flipped Classroom (tamén coñecido como aula invertida) como metodoloxía que destaca o desenvolvemento do pensamento crítico, a mellora sustancial en competencias implicadas no razonamento, e o aumento da integración das aprendizaxes.

CRITERIOS DE CUALIFICACIÓN:

Na avaliación da materia, a cualificación obterase da aplicación das porcentaxes de ponderación sinaladas. A non realización ou a non obtención da puntuación mínima nalgunha das dimensións desta avaliación, suporá a non obtención da dita porcentaxe da cualificación e a conseguinte non superación da materia. Na segunda convocatoria, conservaranse as cualificacións superadas na primeira, polo que o estudantado só deberá someterse aos procedementos nos que non teña obtido a puntuación mínima esixida (50% en cada caso). En terceira e sucesivas convocatorias, a avaliación deberá repetirse na súa totatlidade.

NOTA: A UDC regula a matrícula de estudantes a tempo parcial, criterios que tamén serán tidos en conta polo profesorado, polo que será necesario que o alumnado con este tipo de réxime de dedicación, o informe ao profesorado e concerten a maneira na que se desenvolverá o seu proceso de ensino-aprendizaxe. Os e as estudiantes non asistentes, deben porse en contacto coa docente para establecer a metodoloxía de avaliación da materia.

OUTROS CRITERIOS A TER EN CONTA:

- Débese facer un uso sostible dos recursos e a prevención de impactos negativos sobre o medio natural.

- Débese ter en conta a importancia dos principios éticos relacionados cos valores da sostenibilidade nos comportamentos persoais e profesionais.

- Será primordial e obrigatoria a corrección ortográfica (ortografía, acentuación e puntuación) gramatical e léxica nos traballos e exames realizados como condición imprescindible para superar a materia.

- No relativo á realización fraudulenta (plaxio) das probas de avaliación, a cualificación axustarase ao establecido no artigo 14. 4. Normas de avaliación, revisión e reclamación das cualificacións dos estudos de grao e mestrado universitario: "Na realización de traballos, o plaxio e a utilización de material non orixinal, incluído aquel obtido a través da internet, sen indicación expresa da súa procedencia e, se é ou caso, ou permiso do seu autor/a, poderá ser considerada causa de cualificación de suspenso na actividade. Todo iso sen prexuízo das responsabilidades disciplinarias ás que puidese haber lugar tras o correspondente procedemento".