Os aspectos e criterios que se terán en consideración ao avaliar as actividades son a asistencia, participación e compromiso individual e grupal, coherencia dos contidos abordados, coñecementos demostrados nos exames teóricos e prácticos e competencias referidas para esta materia. O sistema de cualificacións expresarase mediante cualificación numérica de acordo co establecido no art. 5 do Real Decreto 1125/2003 de 5 de setembro (BOE 18 de setembro), polo que se establece o sistema europeo de créditos e o sistema de cualificacións nas titulacións universitarias de carácter oficial e validez en todo o territorio nacional.

Sistema de cualificacións: 0-4.9=Suspenso 5-6.9=Aprobado 7-8.9=Notable 9-10=Sobresaliente 9-10 Matrícula de Honra (Graciable)

A materia está dividida en dous bloques con avaliación independente: Bloque I: Nota ata 7 Bloque II: Nota ata 3

AVALIACION DO BLOQUE I: BASES HISTORICAS DE TERAPIA OCUPACIONAL: 

Dun total de 7 puntos correspondente a este bloque o exame será un 70% do total do bloque 1 (4,9); Asistencia e aproveitamento ao 80% das clases, un 10% do total do bloque 1 (0,7); traballos realizados, un 20% do total do bloque 1 (1,4). Será preciso obter un 5 sobre 10 no exame para aprobar, non se sumando as outras actividades se non se aproba o exame.

AVALIACIÓN DO BLOQUE 2: DOCUMENTACION EN TERAPIA OCUPACIONAL

As porcentaxes de avaliacion serán as que se presentan a continuación: 

Proba de ensaio.........................................60% 

  *para aprobar este módulo é requisito haber obtido polo menos un 3 sobre unha puntuación máxima de 6 

Traballos tutelados........................................40% 

  *para aprobar este módulo e requisito realizar o 100%, e obter polo menos un 2 sobre unha puntuación de 4.  

OBSERVACIÓNS XERAIS DA MATERIA 

Para superar a materia é requisito que o alumno alcance un 5 (sobre 10) en ambas as partes.

Se o alumno suspende unha parte en xaneiro, só terá que presentarse á parte suspensa na convocatoria de xullo. No caso de que o alumno non supere a convocatoria de xullo, tería a materia suspensa e a parte aprobada non se gardaría para cursos posteriores.

Para a calificación de matrícula de honra os aspirantes poderán ser convocados a unha proba voluntaria obxectiva para asignar as matrículas ás mellores cualificacións. Otorgarase, como manda a normativa da UDC, ás calificacións superiores a 9.

Os aspectos e criterios que se terán en consideración para avaliar as distintas actividades serán a  asistencia, participación e compromiso individual e grupal, a coherencia dos contidos abordados, a expresión oral e escrita e os coñecementos demostrados.

Segundo a norma que regula o réxime de dedicación ao estudo do alumnado de grao na Universidade da Coruña (aprobada no Consello de Goberno do 4/05/2017), cando un(ha) estudante teña recoñecida a súa condición de matrícula a tempo parcial, ten dereito a gozar dun réxime de asistencia a clase de carácter flexible e a solicitar a dispensa académica especial establecida no artigo 4 (apartado 5) da devandita norma, en tanto non afecte negativamente ao proceso de avaliación da/o estudante. A ese efecto, as Comisións Académicas dos diferentes centros da UDC concretan o alcance da citada dispensa. Por tanto, a concesión á solicitude da devandita flexibilidade quedará á expensas da valoración e decisión da Comisión académica do Grao en Terapia Ocupacional, tendo en conta as metodoloxías e criterios de avaliación das materias.