Sobre Resultado final, esta metodoloxía constitúe o 60% da nota da materia, constituindo parte da avaliación os seguintes aspectos:

1.1 A asistencia é obrigatoria e os estudantes deben participar nas actividades docentes. Calquera ausencia de causa maior debe ser avisada previamente e xustificada documentalmente a posteriori no prazo máis breve posible. 

1.2 A participación activa, será valorada segundo a demostración das seguintes accións:

- Recoñecer, manexar e traballar cos diferentes materiais termoplásticos. 

- Comprensión, desenvolvemento e realización no proceso de deseño de patróns.

- Confección e elaboración de férulas con material termoplástico, segundo as instrucións indicadas en cada sesión. 

- Confección e elaboración de produtos de apoio con material de baixo custo. 

- Deseño e impresión 3D dunha férula e dun produto de apoio

- Dedicación fóra do horario de clase como traballo persoal para a realización do portafolios. 

- Participación na proposta de Aprendizaxe – Servizo: Esta actividade é voluntaria, e será proposta pola docente en colaboración coas entidades sociais sen ánimo de lucro. A participación na ApS será valorada positivamente na nota final correspondente ás prácticas de laboratorio.

- Limpeza e adecuación do espazo de traballo unha vez rematada cada sesión de práctica de laboratorio (poñeranse elementos de desinfección á disposición dos estudantes e da docente).

2. Portafolios: 

Os estudantes, no mes de xaneiro e dentro do prazo comunicado pola docente ó inicio do cuadrimestre entregarán nunha caixa precinatada con nome e apelidos todos as férulas e produtos de apoio realizados nas prácticas de laboratorio. 

Irá acompañado dun portafolios que conterá os patróns do realizado na materia e descrición de cada un das férulas e produtos elaborados, así como unha breve explicación teórica de cada un, segundo a plantilla publicada no Campus Virtual da materia.

3. Férulas e produtos de apoio:

Serán valorados de xeito individual, tendo en conta a súa adecuación ás instrucións dadas na súa confección:

- Férula de repouso ou férula funcional, Férula síndrome tunel carpiano, Férula de Quervain, Férula de tenodese, Férula de Mallet e Férula en I (esta con deseño en 3D). 

- Produtos de Apoio e Adaptacións: realización de 6 produtos de apoio de baixo custo, un deles con deseño en 3D.

A nota final será o sumatorio das partes previamente expresadas, cos seguintes considerandos:

Segundo a norma que regula o réxime de dedicación ao estudo do alumnado de grao na Universidade da Coruña (aprobada no Consello de Goberno do 4/05/2017), cando un(ha) estudante teña recoñecida a súa condición de matrícula a tempo parcial, ten dereito a gozar dun réxime de asistencia a clase de carácter flexible e a solicitar a dispensa académica especial establecida no artigo 4 (apartado 5) da devandita norma, en tanto non afecte negativamente ao proceso de avaliación da/o estudante. A ese efecto, as Comisións Académicas dos diferentes centros da UDC concretan o alcance da citada dispensa. Por tanto, a concesión á solicitude da devandita flexibilidade quedará á expensas da valoración e decisión da Comisión académica do Grao en Terapia Ocupacional, tendo en conta as metodoloxías e criterios de avaliación das materias.

Segundo os artigos 22 e 23 das Normas de avaliación, revisión e reclamación das cualificacións dos estudos de grao e mestrado universitario (Modificada polo Consello de Goberno de 29 de xuño de 2017) garantirase o seguinte: Art. 22: Publicidade das cualificacións: Para garantir o dereito a revisión nas probas orais, a nota será comunicada aos dous días lectivos seguintes á súa finalización, e a revisión estará baseada nos datos recollidos na acta e, no seu caso, nas evidencias gravadas, escritas e doutro tipo recollidas na súa realización. Art. 23: Os estudantes terán dereito a revisar as actividades, os traballos e as probas que sirvan para a súa avaliación e a recibiren explicación razoada da cualificación que obtiveron.