Guía DocenteCurso
Escola Universitaria de Enfermaría (C)
  Inicio | galego | castellano | english | A A A |  
Grao en Enfermaría
 Asignaturas
  Estancias Clínicas IV
   Metodoloxías
Metodoloxías Descrición
Actividades iniciais Actividades que se levan a cabo antes de iniciar as prácticas clínicas no contorno da atención primaria de saúde. Realizarase unha sesión na aula na que se especificarán tódolos aspectos necesarios para o correcto desenvolvemento da materia, así coma o sistema de avaliación.
Prácticas clínicas Actividade formativa que conleva un contacto coa realidade profesional ó desenvolverse en centros de atención primaria de saúde e na comunidade, nas que os estudantes observan e participan nas actividades do equipo de saúde, co fin de proporcionarlles as oportunidades que supoñan a aplicación de feitos, teorías e principios relacionados coa práctica enfermeira. Cada alumno terá asignado ó inicio do curso un centro de saúde para realizar o rotatorio.
Seminario Desenvolverase o estudo intensivo dun tema. Este tema (elixido pola profesora) prepararase de forma individual polo alumno antes do seminario, e neste discutirase. Será precisa a participación de todos os alumnos que formen os distintos grupos, establecéndose ó final do seminario unhas conclusións.


Estudo de casos Actividade encamiñada a promover a aprendizaxe autónoma do estudante, consistindo na selección dunha situación clínica concreta validada pola profesora responsable da materia, para a súa abordaxe e resolución con metodoloxía enfermeira.
Presentación oral Actividade na que o estudante realizará a exposición verbal a outros estudantes e ó profesor, da resolución dada a situación clínica recollida a través da metodoloxía de estudo de casos. Tendo que facer as aclaracións oportunas ás cuestións que vaian xurdindo despois da exposición.
Universidade da Coruña - Rúa Maestranza 9, 15001 A Coruña - Tel. +34 981 16 70 00  Soporte Guías Docentes