O/a alumno/a será avaliado a través dunha "avaliación continuada" que constará de dúas
partes ou "fases".

A) PRIMEIRA FASE:

 Ao longo do curso o
alumnado deberá realizar unha serie de traballos, resolver  boletíns
de problemas e responder cuestionarios ou controis.

 Valorarase a súa participación activa na aula (ata 1 punto):
asistencia (activa) ás clases, entrega de traballos e resolución de problemas
na aula.

O/a alumno/a poderá superar a materia nesta fase se supera as probas
establecidas.

B) SEGUNDA FASE:

 O alumnado que non
supere a materia na "primeira fase" poderá superala mediante a
realización dunha "proba final", que constará de cuestións teóricas e
prácticas.

 A cualificación final será a suma do 80% da proba teórico-práctica
final e do 20% do curso.

  Se
un/unha alumno/a
participa nalgunha das tarefas programadas ao longo do curso, necesariamente
será avaliado/a ao seu remate. En ningún caso será cualificado/a como Non presentado.

SEGUNDA OPORTUNIDADE: Para a avaliación da materia, na 2.ª
oportunidade (xullo) seguiranse os mesmos criterios que para a segunda fase
da primeira oportunidade.

 O alumnado matriculado en
réxime de tempo parcial pode optar pola avaliación continuada. Para isto
deberá realizar os controis e entregar aqueles traballos, boletíns etc. que se lle
pidan ao resto do alumnado.

 No caso de que non supere a materia pola avaliación continuada, poderá
realizar a proba final coma o resto do alumnado e coas mesmas condicións. Para a segunda oportunidade seguirase
o mesmo criterio.

 Nalgúns casos excepcionais, que o profesorado determinará con carácter
extraordinario,  para o alumnado pertencente a SICUE, Erasmus, Tempo
parcial e outros casos, poderanse  establecer  probas específicas que
se realizarán nas datas fixadas polo centro.