Guía DocenteCurso
Escola Universitaria de Arquitectura Técnica
  Inicio | galego | castellano | english | A A A |  
Grao en Arquitectura Técnica
 Asignaturas
  Fisica Aplicada I
   Avaliación
Metodoloxías Competencias Descrición Cualificación
Solución de problemas B5 B6 B27 B28 Na avaliación continua realizaranse dúas probas obxectivas de resolución de problemas prácticos correspondentes aos dous bloques temáticos da materia. 80
Proba de resposta breve A1 C6 C7 C8 Na avaliación continua, realizaranse dúas probas de cuestións curtas correspondentes aos dous bloques temáticos da materia. Serán resoltas individualmente polo alumno na aula ao finalizar os bloques temáticos. 20
 
Observacións avaliación

A avaliación dos contidos dividirase en dous partes, coincidindo cos dous BLOQUES nos que se estruturou o temario da materia: 

  • 1º BLOQUE: "Vectores Deslizantes e Xeometría de Masas" 
  • 2º BLOQUE: "Estática de Sistemas Estruturais e Principios de Elasticidade" 
Será requisito obter unha puntuación mínima de 2 puntos en cada un dos bloques para superar a materia. 
O alumno poderá ser avaliado de dous modos diferentes: ou ben a través dunha "avaliación continua" ou ben a través dunha "avaliación final" 

AVALIACIÓN CONTINUA 

O traballo do alumno será avaliado de forma continua a través da resolución dos problemas e casos prácticos expostos nas probas obxectivas parciais e a través da resolución de cuestións teóricas-prácticas expostas en probas de resposta breve. 
Todas estas probas serán realizadas en período de actividade académica.
Así, a avaliación poderase desagregar do seguinte modo:  

A) Probas de solución de problemas: realizaranse dúas probas parciais de solución de problemas correspondentes aos dous bloques temáticos da materia que terán lugar ao finalizar os correspondentes bloques. Cada unha das probas parciais suporá unha puntuación máxima de 4 puntos  

B) Probas de resposta breves: realizaranse dúas probas de resposta breve correspondentes aos dous bloques temáticos da materia. Serán realizadas ao finalizar os correspondentes bloques temáticos. Cada proba de resposta breve suporá unha puntuación máxima de 1 punto.  

Aqueles alumnos que a través destes apartados alcancen 5 puntos e ademais cumpran o requisito de alcanzar unha puntuación mínima global de 2 puntos en cada bloque temático, aprobarían a materia. En caso contrario, os alumnos poderán acollerse á modalidade de avaliación final. 

AVALIACIÓN FINAL 

Calquera alumno terá dereito a seguir a avaliación final, aínda que inicialmente optase por realizar a avaliación continua. Esta avaliación realizarase coincidindo coas oportunidades oficiais e consistirá nunha proba obxectiva final que se dividirá en dúas partes, destinadas cada unha delas á avaliación dun bloque de contidos. Cada bloque á súa vez estará composto por cuestións e problemas prácticos.

Aqueles alumnos que na avaliación continua houbesen acadado un mínimo de 2.5 puntos nalgún dos dous bloques de contidos, poderán optar por non avaliarse da parte correspondente a ese bloque, conservando, para o devandito bloque, a puntuación obtida na avaliación continua. 

A puntuación de cada apartado será a que se estableceu anteriormente, sumando un total de 10 puntos. Do mesmo xeito que na avaliación continua, para aprobar a materia, os estudantes deben alcanzar un mínimo de 5 puntos e ademais alcanzar unha puntuación mínima global de 2 puntos en cada un dos bloques temáticos. Os criterios de avaliación serán os mesmos para as dúas oportunidades oficiais. 

A avaliación do alumnado con recoñecemento de dedicación a tempo parcial e dispensa académica de exención de asistencia seguirá os mesmos criterios e consistirá nas mesmas probas que o outro alumnado, podendo ser avaliado tamén a través da "avaliación continua" ou "avaliación final·. Con todo, para compensar a dispensa de exención de asistencia será requisito para este alumnado a entrega de exercicios resoltos propostos en boletíns adicionais en sesións de tutorías individualizadas. Os criterios de avaliación para este alumnado serán tamén os mesmos nas dúas oportunidades oficiais. 

CUALIFICACIÓN Ao final do proceso de avaliación: 
  1. Aqueles alumnos que cumpran os requisitos mínimos e alcancen un mínimo de 5 puntos, aprobarían a materia. 
  2. Aqueles alumnos que non alcancen a puntuación mínima establecida nun dos bloques (2 puntos), esta non se sumará á nota final e a cualificación que lles figurará na acta será a obtida no bloque que supere os requisitos mínimos multiplicada por 0,95.  
  3. Aqueles alumnos que non alcancen a puntuación mínima en ningún dos dous bloques a cualificación que lles figurará na acta será a mellor das dúas obtidas nos bloques multiplicada por 0,95.  
  4. Se a diferenza entre as puntuacións dos aprobados é pequena, a puntuación daqueles alumnos que aproben a materia poderá ser corrixida á alza nun factor proporcional á puntuación alcanzada, co obxectivo de aumentar as diferenzas entre as cualificacións. 

A cualificación de "Non Presentado" figuraralle a aqueles alumnos que non aprobando a materia mediante avaliación continua, non se presenten á proba final das correspondentes oportunidades oficiais.
Universidade da Coruña - Rúa Maestranza 9, 15001 A Coruña - Tel. +34 981 16 70 00  Soporte Guías Docentes