stablécense dúas modalidades de avaliación: 1) avaliación continua (50%) + avaliación final (50%), 2) avaliación final (100%).

A
avaliación final consistirá nun exame escrito que se realizará nas
datas das convocatorias oficiais aprobadas na Xunta de Facultade. Na
modalidade 1) quedarán excluídos do exame final os temas sobre os cales
se realizasen actividades de avaliación continua. Na modalidade 2) os
alumnos e alumnas examinaranse da totalidade do programa.

As
actividades de avaliación continua desenvolveranse nas clases
interactivas e consistirán no comentario de textos seleccionados polo
profesor ou traballos monográficos sobre unha cuestión puntual. O
profesor indicará os aspectos que se deben comentar en cada caso e a
bibliografía necesaria para os alumnos desenvolveren a actividade. As
actividades serán individuais ou en grupo pero, en calquera caso, darán
lugar a un debate nas aulas. Xa que logo, non so se valorará a
elaboración dos traballos, senón a asistencia e a participación nas
aulas. Ademais, cada alumno/a deberá entregar un resumo do traballo que
fixo en cada actividade.

Outra actividade de avaliación continua
será un pequeno portafolios onde cada alumno e alumna exporá unha
pequena memoria da súa experiencia na materia, recollendo informacións
obxectivas sobre o desenvolvemento do programa e tamén valoracións de
carácter subxectivo.

Os aspectos formais (corrección lingüística na redacción dos traballos,
claridade na exposición, bibliografía correctamente citada, etc.)
teranse en conta na avaliación dos comentarios, traballos e portafolios.

En
caso de non superarse a materia en xaneiro, as cualificacións das
actividades de avaliación continua manteranse na convocatoria de xullo.

A
data de entrega dos traballos e do portafolios indicarase nas aulas. En
calquera caso, deberá ser unha data que permita cumprir os prazos de
avaliación previstos na normativa de avaliación, revisión e reclamación
das cualificacións dos estudos de grao e mestrado universitario