Criterios
de avaliación

Segunda
oportunidade

Os
criterios de avaliación en segunda oportunidade serán os mesmos que en
primeira. O alumno terá unha segunda oportunidade para realizar a proba mixta e
a proba práctica. Se a cualificación do alumno en primeira oportunidade nalgunha
das dúas probas é superior a 4, non será necesario que repita a proba e
daráselle a opción de conservar a nota obtida previamente. Os traballos
tutelados, clases maxistrais e prácticas a través de TIC, por ser avaliados de
forma continua, non poderán ser recuperados.

Convocatoria
adiantada.

Se
houbese alumnado que quixese presentarse á convocatoria adiantada de decembro
(Art. 19 "Normas de avaliación, revisión e reclamación das cualificacións
dos estudos de grao e máster universitario"), o alumnado que se presente a
esta convocatoria deberá realizar a proba mixta (35% da nota), a proba práctica
(40% da nota), e o traballo tutelado (25% da nota).O traballo de curso deberá
realizarse de forma individual.

Para
poder aprobar a materia, tanto na primeira como na segunda oportunidade de
avaliación, será preciso obter unha nota mínima de 3,5 puntos sobre 10 na parte
de proba mixta e a proba práctica.

Cualificación
“non presentado”

Asignarase
a cualificación "Non Presentado" ás persoas que non se presenten ao
exame final (proba práctica e proba mixta) en primeira oportunidade, segunda
oportunidade ou convocatoria adiantada.

Alumnado
con recoñecemento de dedicación a tempo parcial e dispensa académica de
exención de asistencia

O
alumnado con recoñecemento de dedicación a tempo parcial e dispensa académica
de exención de asistencia deberá comunicar ao comezo do curso a súa situación
ao profesorado da materia, para así poder establecer un plan e calendario de
traballo. O sistema de avaliación será o seguinte: proba mixta (35%), proba
práctica (30%), traballos tutelados (25%) e prácticas a través de TIC (10%). O
traballo tutelado deberá realizarse en grupo.

Nota
mínima

Para
poder aprobar a materia, tanto na primeira como na segunda oportunidade de
avaliación, será preciso obter unha nota mínima de 3,5 puntos sobre 10 na parte
de proba mixta e a proba práctica.

Para poder aprobar a materia, tanto na primeira como na segunda oportunidade de avaliación, requerirase unha asistencia mínima do 80% das clases salvo causa xustificada. En caso de que a nota media sexa de 5 ou superior, a cualificación do alumno que non cumpla este criterio será de 4,5 SUSPENSO. O alumnado con dedicación a tempo parcial non estará suxeito a este requerimento.

Información
adicional.

O
comportamento fraudulento en calquera dos apartados sometidos a avaliación
supoñerá a cualificación de "Suspenso (0)" na avaliación final. Está
prohibido acceder á aula na que se desenvolvan as distintas probas de
avaliación con calquera dispositivo que permita a comunicación co exterior e/ou
almacenamento de información (móbiles, reloxos intelixentes...).