1.
REQUISITOS PARA SUPERAR A MATERIA

A.
Primeira e segunda oportunidade 

-
Para poder aprobar a materia, tanto na primeira como na segunda oportunidade de
avaliación, será preciso obter unha nota mínima de 4 puntos sobre 10 na parte
de proba mixta e no traballo tutelado. En caso de non cumprirse este requisito,
a cualificación final será de "Suspenso", aínda cando a nota media de
todas as actividades a avaliar outorgase unha puntuación igual ou superior a 5
puntos sobre 10.

- Será requisito indispensable para ser avaliado/a en ambas convocatorias a
asistencia regular, con participación activa e aproveitamento, ás sesións
presenciais (e/ou non presenciais, se fose o caso) e aos diferentes seminarios
organizados.

- As prácticas a través de TIC e os casos de estudo non se poderán recuperar na segunda oportunidade de avaliación.

- Se un/a alumno/a que ten liberada unha parte da materia non consegue aprobar
a materia no seu conxunto nas datas oficiais dos exames da primeira e segunda
oportunidade, a súa cualificación final será de "Suspenso". No
seguinte curso académico, o/a alumno/a poderá gardar a nota daquelas probas que
ten superadas (sempre e cando obtivese unha puntuación igual ou superior a 5
puntos sobre 10), se así o desexa, e sempre e cando informe ao profesorado da
súa decisión nas dúas primeiras semanas de clases. Esta condición solo rexerá
durante o curso académico seguinte; a partir de aí, non se gardará ningunha
nota.

B. Convocatoria
adiantada 

- Se houbese alumnado que queira presentarse á
convocatoria adiantada de decembro (Art. 19 "Normas de avaliación,
revisión e reclamación das cualificacións dos estudos de grao e mestrado
universitario"), o alumnado que se presente a esta convocatoria deberá realizar
a proba mixta (40% da nota), o traballo tutelado (40% da nota) e os casos de
estudo (10% da nota). O traballo de curso deberá realizarse de forma
individual.

C. Nota mínima 

- En calquera dos casos, para poder superar a materia, tanto na primeira
como na segunda oportunidade de avaliación, deberá obterse unha cualificación
final igual ou superior a 5 puntos sobre 10, sempre e cando o alumnado obtivese
unha puntuación igual ou superior a 4 puntos sobre 10 na parte de proba mixta e
no traballo tutelado.

2. SITUACIÓNS

A. Alumnado con
recoñecemento de dedicación a tempo parcial e dispensa académica de exención de
asistencia segundo establece a “NORMA QUE REGULA O RÉXIME DE DECICACIÓN AO
ESTUDO DOS ESTUDANTES DE GRAO NA UDC (Arts. 2.3;3.b e 4.5) (29/05/2012) 

- O alumnado con recoñecemento de dedicación a tempo parcial e dispensa
académica de exención de asistencia deberá comunicar ao inicio do curso a súa
situación ao profesorado da materia, á fin de establecer un plan e calendario
de traballo. O sistema de avaliación será o seguinte: proba mixta (50%),
traballos tutelados (40%) e estudo de casos (10%). O traballo tutelado deberá
realizarse en grupo.

- Os criterios de nota mínima para o alumnado con recoñecemento de dedicación a
tempo parcial e dispensa académica de exención de asistencia son os mesmos que
os do punto 1C.

B. Cualificación 'Non
presentado'

- En calquera dos casos, serán cualificadas con "Non Presentado” as
persoas que non se presenten ao exame final da convocatoria na data oficial
establecida no calendario de exames da facultade, sexa a primeira oportunidade,
a segunda ou a convocatoria adiantada.

3. INFORMACIÓN
ADICIONAL 

- O comportamento fraudulento en calquera dos apartados sometidos a
avaliación suporá a cualificación de "Suspenso(0)" na avaliación
final.

- Está prohibido acceder á aula na que se desenvolvan as distintas probas de
avaliación con calquera dispositivo que permita a comunicación co exterior e/ou
almacenamento de información (móbiles, reloxos intelixentes...).