A finalidade desta materia é proporcionar ao estudante os conceptos e técnicas básicas da Infoética, isto é, introducilo nas estratexias para abordar algúns dos principais problemas éticos aplicados xurdidos no ámbito da xestión dixital da información e da documentación, así como para abordar os problemas xerais de tipo ético e/ou político xurdidos no ámbito da chamada sociedade rede ou sociedade da información, con especial atención ao uso de dilemas reais e/ou hipotéticos para a discusión no ámbito da deontología ou ética profesional dos xestores dixitais da información e da documentación.
Plan de continxencia
1. Ao estar esta materia planificada xa para a posibilidade de docencia semipresencial ou a distancia, caso dun novo confinamento, non habería ningunha modificación nos contidos.
2. Metodoloxías: en caso dun novo confinamento, as sesións maxistrais impartiríanse de modo non presencial a través de Teams en modo síncrono e logo poríanse a disposición dos alumnos na canle de vídeo da UDC. As horas de presencialidad do resto de metodoloxías converteríanse en horas de traballo autónomo do alumno con reforzo de atención ao alumno vía Teams.
3. Mecanismos de atención personalizada ao alumnado: en caso dun novo confinamento, as tutorías manteríanse no seu horario habitual pero realizaríanse vía Teams.
4. Modificacines na avaliación: en caso dun novo confinamento, manteríase o sistema de demostración activa habitual, pero os alumnos que decidan ir a exame realizarano de forma non presencial vía Teams.
5. Modificacións da bibliografía ou webgrafía: Non é necesario realizar ningunha modificación neste apartado.
(*)A Guía docente é o documento onde se visualiza a proposta académica
da UDC. Este documento é público e non se pode modificar, salvo casos excepcionais baixo a revisión do
órgano competente dacordo coa normativa vixente que establece o proceso de elaboración de guías
Asignaturas
