| Estudo de casos |
Traballo tutelado no cal o alumno se enfronta ante a descrición dunha situación específica que expón un problema que ha de ser comprendido, valorado e resolvido, individualmente ou en equipo. O alumno sitúase ante un problema concreto que lle describe unha situación real da vida profesional, e debe ser capaz de analizar unha serie de datos, necesidades a satisfacer, requisitos a cumprir, expectativas do cliente ou outras partes interesadas, e condicións de contorno, para chegar a unha decisión ou conxunto de decisións motivadas, ou a un resultado numérico completamente razoado, ou a unha planificación, sexa individualmente, sexa a través dun proceso de discusión en pequenos grupos de traballo. |
| Proba obxectiva |
Haberá senllos exames nas datas oficiais establecidas pola Escola. En función do tempo dispoñible para o exame e do criterio do profesor, o exame poderá incluír preguntas de tipo teórico e teórico-práctico, acerca dos contidos teóricos da materia e das súas aplicacións a casos concretos. Isto poderase facer por medio de preguntas tipo test, preguntas curtas, ou ambos os tipos de pregunta. Tamén poderá incluír a resolución de exercicios, de supostos ou casos prácticos, ou combinacións de todo iso. O feito de que o profesor proporcione ao alumno as transparencias de clase non exime ao alumno da obrigación de tomar notas de clase; o profesor emprega ditas transparencias para apoiar a súa explicación, que pode incluír matices e detalles non contidos nas transparencias. Doutra banda, o profesor contesta as preguntas que os alumnos realizan en clase, sobre aspectos que poden non estar incluídos nas transparencias. Os contidos que se avaliarán na proba obxectiva serán todos os que se expuxeron en clase, estean ou non nas transparencias. |
Asignaturas