A cualificación final de cada alumno será o resultado da ponderación, tal e como se indica máis arriba, das dúas metodoloxías que se empregan na avaliación: solución de problemas e proba mixta.

Para superar a materia o alumno debe obter unha media ponderada igual ou superior a 5 puntos.

Na proba mixta, que se valorará de 0 a 10 puntos, será necesario obter unha cualificación mínima de 4 puntos para facer a ponderación coa cualificación obtida na solución de problemas.

Nos posibles casos nos que a media ponderada sexa igual ou superior a 5 pero cunha avaliación na proba mixta inferior a 4, a cualificación final será de 4,5.

Na segunda oportunidade manterase a cualificación obtida na solución de problemas durante o cuadrimestre, polo que só é obxecto de mellora a "proba mixta".

No caso dos alumnos de continuidade (que non tiveran superada a materia en cursos anteriores) non se considerará ningunha cualificación de cursos anteriores. É dicir: a súa avaliación abrangue exclusivamente ás actividades deste curso 22-23.

Na convocatoria adiantada de decembro a avaliación da proba mixta constituirá o 100% da cualificación.

A realización fraudulenta das probas ou actividades de avaliación implicará directamente a cualificación de suspenso '0’ na materia na convocatoria correspondinte, invalidando así calquera cualificación obtida en toda as actividades de avaliación de cara á convocatoria extraordinaria.

Os alumnos que obteñan dispensa académica, ao ter as mesmas responsabilidades que os demais, terán que realizar as mesmas probas que o resto: deberán realizar as mesmas metodoloxías e serán avaliados da mesma forma. No caso de que estes alumnos tiveran problemas (previa xustificación documental suficiente) para a realización das probas, acordaranse novas datas para a súa realización.